సునీల్.. సినీ ఇండస్ట్రీలోకి డైరెక్టర్ అవుదామనుకొని వచ్చిన ఈయన అసిస్టెంట్ డైరెక్టర్గా కొంతకాలం పనిచేసే ఆ తర్వాత కమెడియన్ గా స్థిరపడ్డారు. ఇక అలా ఎన్నో సినిమాలలో స్టార్ హీరోల సరసన స్నేహితుడి పాత్రలో కామెడీలు పండిస్తూ మరింత మంది ప్రేక్షకులకు చేరువయ్యారు. ఇక ఆ తర్వాత ఈయనలో ఉన్న ప్రతిభను వెలిక తీసి మొదటిసారి అందాల రాముడు సినిమాతో హీరోగా సినీ ఇండస్ట్రీకి పరిచయం అయ్యారు. ఇక ఇందులో ఆర్తి అగర్వాల్ హీరోయిన్గా నటించగా హీరోగా ఆయనకు ఒకరకంగా మంచి పేరు లభించిందని చెప్పవచ్చు. ఇకపోతే ఈయనను పూర్తిస్థాయిలో హీరోగా చూపించి మంచి ఇమేజ్ ను సొంతం చేయించింది మాత్రం దర్శకధీరుడు రాజమౌళి అని చెప్పవచ్చు.
రాయలసీమ యాసలో.. జక్కన్న తెరకెక్కించిన మర్యాదరామన్న సినిమాతో ఓవర్ నైట్ లోనే హీరోగా గుర్తింపు తెచ్చుకున్నాడు సునీల్. ఆ తర్వాత పూలరంగడు ఇలా చెప్పుకుంటూ పోతే ఎన్నో చిత్రాలలో హీరోగా నటించిన ఈయన.. ఆ తర్వాత కలర్ ఫోటో వంటి చిత్రంతో విలన్ గా అవతారమెత్తాడు. ఇక పుష్ప పాన్ ఇండియా సినిమాలో తన విలనిజాన్ని చూపించి మరింత పాపులారిటీని సొంతం చేసుకున్న సునీల్ ఆడపాదడపా కామెడీ పాత్రలు కూడా చేస్తున్నాడు. ఇక వచ్చిన అవకాశాన్ని వచ్చిన పాత్రను వదులుకోకుండా పూర్తి న్యాయం చేస్తూ మరింత పాపులారిటీ సంపాదించుకున్న ఈయనకు అంత డిమాండ్ ఉంది. కాబట్టే రోజుకు ఒక షూటింగ్లో పాల్గొంటే రూ.4 లక్షల రూపాయల పారితోషకం నిర్మాతలు చెల్లించాల్సి ఉంటుంది.
ఇక ఈ క్రమంలోనే సునీల్ ఇప్పటివరకు ఇండస్ట్రీలోకి వచ్చిన తర్వాత ఎంత ఆస్తి కూడ పెట్టాడు అనే విషయం బాగా వైరల్ గా మారుతుంది. మరి ఆయన ఆస్థి వివరాలు ఇప్పుడు ఒకసారి చదివి తెలుసుకుందాం. సునీల్ ఆస్తి విలువ మొత్తంగా చూసుకుంటే రూ.150 కోట్లకు పైగా ఉంటుందని సమాచారం. ఇక ఒక సంవత్సరానికి రూ. 8 నుంచి రూ.10 కోట్ల వరకు సంపాదిస్తారు. ఇక ఒక సినిమాకు గనుక చూసుకుంటే రూ.2 కోట్ల రూపాయల వరకు పారితోషకం తీసుకుంటారు. ఇక జూబ్లీహిల్స్ లో రూ.3 కోట్ల విలువ చేసే ఒక అందమైన భవనం. అత్యంత విలువైన 2 సూపర్ లగ్జరీ కార్లు కూడా ఉన్నాయి.
