మందులేని కరోనా వైరస్ కి నియంత్రణ ఒకటే మార్గం కావడంతో కేంద్ర ప్రభుత్వం లాక్ డౌన్ విధించింది. దేశంలో అన్ని రాష్ట్ర ప్రభుత్వాలు చాలా కట్టుదిట్టంగా లాక్ డౌన్ నీ అమలు చేస్తున్నాయి. అయితే ఆంధ్రప్రదేశ్ రాష్ట్రంలో లాక్ డౌన్ అమలులో ఉన్న సమయంలో వైయస్ జగన్ నిరుపేదలను మధ్యతరగతి కుటుంబాలను ఆదుకోవడానికి వెయ్యి రూపాయలు ప్రకటించిన విషయం అందరికీ తెలిసినదే. దీంతో ఇటీవల గ్రామ వాలంటీర్లు ఆ వెయ్యి రూపాయలు ప్రతి ఇంటికి పంచడం జరిగింది.
ఈ నేపథ్యంలో ఇటీవల వైసీపీ నాయకులు చేస్తున్న ప్రచారాన్ని సంబంధించి పూర్తి వివరాలను రాష్ట్ర ఎన్నికల సంఘానికి ఇవ్వాలని కలెక్టర్లకు మరియు పరిశీలకులకు ఎన్నికల కమిషనర్ నిమ్మగడ్డ రమేష్ కుమార్ లేఖ రాశారు. దీంతో ఈ వ్యవహారం ఇప్పుడు ఏపీ రాజకీయాల్లో పెద్ద హాట్ టాపిక్ అయ్యింది. పేద వాళ్లను ఆదుకోవడం కోసం జగన్ ఇచ్చిన ఈ వెయ్యి రూపాయలని ఆధారం చేసుకుని ఎవరైతే ప్రచారం చేశారో ఆ వైసీపీ ప్రజాప్రతినిధులను జగన్ కూడా వదల కూడదు అని చాలామంది అంటున్నారు. వాళ్లని వదిలేస్తే జగన్ కి ప్రభుత్వాని కి చెడ్డపేరు బ్యాడ్ నేమ్ వస్తుందని.., కాబట్టే జగన్ ఈ విషయంలో వారిపై కఠినమైన చర్యలు తీసుకుంటే బాగుంటుందని చాలామంది సూచిస్తున్నారు.
