ఇండియన్ పోస్ట్ పేమెంట్ బ్యాంక్ లో మీకు అకౌంట్ వుందా..? అయితే మీకు గుడ్ న్యూస్. ఇండియన్ పోస్ట్ పేమెంట్ బ్యాంక్ సేవింగ్స్ అకౌంట్ ఉన్నవాళ్ళకి శుభవార్తని అందించింది. పోస్టల్ డిపాజిట్లను సులభతరం చేసేందుకు పోస్టల్ విభాగం తాజాగా కొత్త ఇంటరాక్టివ్ వాయిస్ రెస్పాన్స్ సిస్టంని తీసుకొచ్చింది.
ఇక దీని కోసం పూర్తి వివరాలలోకి వెళితే.. ఈ కొత్త ఫెసిలిటీని మొబైల్ ఫోన్ ద్వారానే పొందవచ్చు. ఐవీఆర్ సేవతో మీ పోస్టల్ పెట్టుబడులకు సంపాదించిన వడ్డీ, బ్యాలెన్స్, డిపాజిట్ వివరాలు, ఏటీఎమ్ కార్డ్ బ్లాకింగ్ మొదలైన వాటిని పొందొచ్చు. పీపీఎఫ్, ఎన్ఎస్సీ వంటి చిన్న పొదుపు పథకాల్లో పెట్టుబడి పెట్టిన కస్టమర్లు 18002666868 ట్రోల్ ఫ్రీ నంబర్కు కాల్ చేసి వివరాలను తెలుసుకోవడానికి అవుతుంది అని బ్యాంక్ అంది.
ఇలా నెంబర్ కి డైల్ చేసి 1 నంబర్ నొక్కితే హిందీలో సమాచారం వస్తుంది. అదే 2 నంబర్ నొక్కితే ఇంగ్లీష్లో సమాచారం వస్తుంది. ఇది ఇలా ఉంటే పోస్టల్ డెలివరీ సేవలు, రిజిస్టర్ పోస్ట్ సేవలు, జీవిత బీమా ప్రీమియం గడువు తేదీ, ప్రీమియం మొత్తం, పాలసీ స్టేటస్, పాలసీ మెచ్యూరిటీ తేది, హామీ మొత్తం, బ్యాంకింగ్, ఇన్సూరెన్స్ సేవలు ఇలాంటివి అన్నీ కూడా ఈ టోల్ ఫ్రీ నెంబర్ కి డయల్ చేసి సమాచారం పొందొచ్చు.
