బిజెపి నేత, మాజీ ఎంపీ వివేక్ వెంకటస్వామి కాంగ్రెస్ పార్టీ లోకి వెళుతున్నట్లు సమాచారం అందుతోంది. బిజెపి నేత, మాజీ ఎంపీ వివేక్ వెంకటస్వామితో టిపిసిసి చీఫ్ రేవంత్ రెడ్డి భేటీ కావడం రాజకీయ వర్గాల్లో చర్చకు దారితీసింది. వివేక్ ను కాంగ్రెస్ పార్టీలో చేరాలని రేవంత్ రెడ్డి ఆహ్వానించినట్లు సమాచారం.
వివేక్ కాంగ్రెస్ లో చేరుతారంటూ కొన్ని రోజులుగా వస్తున్న ఊహగానాలకు ఇప్పుడు మరింత బలం చేకూరినట్లు అయింది. మరోవైపు బిజెపి చెన్నూరు టికెట్ ను వివేక్ కు కేటాయించనున్నట్లు ప్రచారం జరిగింది. ఇప్పటివరకు చెన్నూర్ స్థానాన్ని సిపిఐకి కేటాయించినట్లు విస్తృత ప్రచారం జరిగినా, చివరి నిముషంలో నిర్ణయం మారినట్లు సమాచారం అందుతోంది. అధికార బిఆర్ఎస్ ను ఓడించగల సత్తా, సామర్ధ్యం బిజేపి కి లేదనే భావనతోనే కాంగ్రెస్ లో చేరాలని వివేక్ వెంకటస్వామి నిర్ణయం తీసుకున్నట్లు సమాచారం తెలుస్తోంది.
