కార్తీకపౌర్ణమిని పురస్కరించుకుని అమ్మవారి దర్శనానికి వెళ్తుండగా..అనుకోకుండా ట్రావెల్ బస్సు ప్రమాదానికి గురైంది. ప్రమాదవశాత్తు బస్సు పొలాల్లొకి దూసుకెళ్లింది. రాష్ట్రంలోని వనపర్తి జిల్లా పెబ్బేరు శివారు పరిధిలో నేషనల్ హైవే 44పై శుక్రవారం ఉదయం టూరిస్ట్ బస్సు అదుపుతప్పింది. పక్కనే ఉన్న పంట పొలాల్లోకి దూసుకు వెళ్ళిన బస్సు బోల్తా కొట్టినట్లు సమాచారం.
ఈ ప్రమాదంలో బస్సులోని ప్రయాణికులకు స్వల్ప గాయాలైనట్లు తెలుస్తోంది. వెంటనే వారిని స్థానిక ఆస్పత్రికి తరలించి చికిత్స అందిస్తున్నారు. బస్సు వేగంగా ఉన్న సమయంలో అదుపుతప్పినట్లు తెలుస్తుండగా.. డ్రైవర్ అజాగ్రత్త వల్లే బస్సు ప్రమాదానికి గురైనట్లు ప్రయాణికులు చెబుతున్నారు. ఈ మేరకు కేసు నమోదు చేసిన పోలీసులు దర్యాప్తు చేస్తున్నట్లు తెలిపారు. డ్రైవర్‌ను అదుపులోకి తీసుకుని విచారిస్తున్నారు.
