మేడ్చల్ జిల్లా జీడిమెట్ల పారిశ్రామిక వాడలోని ఎస్‌ఎస్‌వీ ఫ్యాబ్ ఇండస్ట్రీస్‌ సంస్థలో మంగళవారం మధ్యాహ్నం అగ్ని ప్రమాదం సంభవించిన విషయం తెలిసిందే. ఈ అగ్నిప్రమాద ఘటనలో 19 గంటలుగా మంటలు చల్లారలేదని తెలుస్తోంది. చివరికి భవనం మొత్తం నేలమట్టం అవ్వగా.. మంటలు మరింత వ్యాప్తి చెందుతున్నాయి.
నాలుగైదు ప్రాంతాల నుంచి ఫైరింజన్లను రప్పించి మంటలను అదుపులోకి తీసుకొచ్చేందుకు ప్రయత్నించినా..అగ్నికీలల తీవ్రత తగ్గకపోవడంతో అధికారులు మోడరన్ టెక్నాలజీ కలిగిన భారీ స్కై లిఫ్ట్‌ను రంగంలోకి దించారు. దీంతో మంటలు వ్యాప్తి చెందుతున్న చోట వేగంగా సహాయక చర్యలను చేపట్టారు. మంటలను అదుపులోకి తెచ్చేందుకు తీవ్రంగా యత్నించారు. ఇప్పటికే అక్కడి నుంచి జనసముదాయాన్ని దూరంగా తరలించారు. పోలీసులు సైతం ఆ ప్రాంతంలో పరిస్థితిని పర్యవేక్షిస్తున్నారు.
