జడ్చర్ల కాంగ్రెస్ ఎమ్మెల్యే అనిరుధ్ రెడ్డి వ్యవహారం ప్రస్తుతం సోషల్ మీడియాలో వైరల్‌గా మారింది. ఆయన ఇంట్లోని వస్తువులు అన్ని వెండితో చేయించారు. ఈ విజువల్స్ ఒక్కసారిగా వైరల్ అయ్యాయి. మామూలుగా ఇంట్లో వెండి ప్లేట్లు, గ్లాసులు,పూజ సామగ్రిని చూస్తుంటాం. కానీ, ఆయన ఇంట్లో బెడ్, డైనింగ్ టేబుల్ సహా అన్నీ వెండితో చేయించినవే కావడం విశేషం.
రోజ్ వుడ్‌తో సీలింగ్, రాజ భవనం లాంటి ఆ ఇంట్లో వెండితో బెడ్, డైనింగ్ టేబుల్, చైర్స్ చేయించుకున్నారు. దీంతో జడ్చర్ల కాంగ్రెస్ ఎమ్మెల్యే అనిరుధ్ రెడ్డి గురించి అంతా శోధిస్తున్నారు. ఇక బీఆర్ఎస్ లీడర్లు ప్రత్యేకంగా కాంగ్రెస్ పార్టీని టార్గెట్ చేసి విమర్శలు మొదలెట్టారు. ప్రజాసేవ మాని కాంగ్రెస్ లీడర్లు అక్రమంగా దోచుకుని ఆస్తులు కూడబెట్టుకుంటున్నారని విమర్శలు వెల్లువెత్తుతున్నాయి.
