జుట్టు రాలడం, పలచబడటం అనేది నేటి కాలంలో ఒక పెద్ద పీడకలగా మారింది. రసాయనాలతో నిండిన షాంపూలు, కండిషనర్లు తాత్కాలిక మెరుపును ఇస్తాయేమో కానీ జుట్టు కుదుళ్లను బలోపేతం చేయలేవు. అందుకే మన పూర్వీకులు నమ్మిన ఆయుర్వేద మూలికల వైపు మొగ్గు చూపడం ఉత్తమం. ప్రకృతి ప్రసాదించిన కొన్ని అద్భుతమైన తైలాలు జుట్టు కుదుళ్లకు జీవం పోసి కేవలం కొద్ది రోజుల్లోనే వేగంగా పెరిగేలా చేస్తాయి. ఆ మాయా నూనెలేంటో ఇప్పుడు తెలుసుకుందాం.
మనం వాడే నూనె కేవలం జుట్టు పైన మెరవడానికి మాత్రమే కాదు అది తల లోపలి చర్మంలోకి (Scalp) ఇంకి పోషణను అందించాలి. ఆయుర్వేదం ప్రకారం పిత్త దోషం సమతుల్యంగా లేనప్పుడు జుట్టు సమస్యలు వస్తాయి. వాటిలో కొన్ని చూద్దాం..
భృంగరాజ్ తైలం (King of Hair): ఆయుర్వేదంలో భృంగరాజ్ను ‘కేశరాజ’ అని పిలుస్తారు. అంటే జుట్టుకు రారాజు అని అర్థం. ఈ నూనెతో క్రమం తప్పకుండా మసాజ్ చేస్తే రక్త ప్రసరణ పెరిగి, నిద్రాణంగా ఉన్న జుట్టు కుదుళ్లు తిరిగి యాక్టివేట్ అవుతాయి. ఇది జుట్టు తెల్లబడకుండా కూడా కాపాడుతుంది.
బ్రాహ్మీ నూనె: ఒత్తిడి వల్ల జుట్టు రాలుతుంటే బ్రాహ్మీ ఆయిల్ సరైన ఎంపిక ఇది మెదడును ప్రశాంతంగా ఉంచడమే కాకుండా జుట్టు చివర్లు చిట్లకుండా చేస్తుంది. జుట్టు మందంగా ఒత్తుగా పెరగడానికి ఇది అద్భుతంగా పనిచేస్తుంది.
ఆమ్లా (ఉసిరి) నూనె: విటమిన్-సి పుష్కలంగా ఉండే ఉసిరి నూనె జుట్టుకు సహజమైన కండిషనర్లా పనిచేస్తుంది. ఇది జుట్టు మూలాల నుంచి బలాన్ని ఇచ్చి వేగంగా పెరగడానికి దోహదపడుతుంది. జుట్టుకు నలుపు రంగును నిలబెట్టడంలో దీనికి సాటి లేదు.
నీలిభృంగాది తైలం: ఇది కేరళ ఆయుర్వేదంలో అత్యంత ప్రసిద్ధి చెందిన నూనె. ఇందులో నీలి ఆకులు భృంగరాజ్ ఉసిరి మరియు కొబ్బరి పాలు వంటి శక్తివంతమైన మిశ్రమాలు ఉంటాయి. జుట్టు రాలడాన్ని అరికట్టడంలో ఇది ‘మ్యాజిక్’ లా పనిచేస్తుంది.
చిన్న చిట్కా: నూనెను నేరుగా వాడకుండా, గోరువెచ్చగా చేసి, వేలి కొనలతో తలకు మసాజ్ చేస్తే ఫలితం రెట్టింపు అవుతుంది.
గమనిక: జుట్టు పెరుగుదల అనేది మీ ఆహారం మరియు జీవనశైలిపై కూడా ఆధారపడి ఉంటుంది. ఈ నూనెలను వాడే ముందు ప్యాచ్ టెస్ట్ చేసుకోండి. తీవ్రమైన జుట్టు సమస్యలు ఉంటే ఆయుర్వేద నిపుణులను సంప్రదించడం మంచిది.
