కీళ్ల నొప్పులు అంటే కేవలం వయస్సుతో పాటు వచ్చే సమస్య అని చాలామంది సరిపెట్టుకుంటారు. కానీ, ఆర్థ్రైటిస్ అనేది సైలెంట్ కిల్లర్ లాంటిది. అది మన శరీరంలోకి ప్రవేశించే ముందు కొన్ని సున్నితమైన సంకేతాలను పంపిస్తుంది. మనం వాటిని సాదాసీదా నొప్పులని నిర్లక్ష్యం చేస్తే, భవిష్యత్తులో నడవడం కూడా కష్టంగా మారవచ్చు. మీ శరీరం మీకు ఇస్తున్న ఆ ‘అపాయ హెచ్చరికలు’ ఏంటో ఆర్థ్రైటిస్ను ప్రారంభంలోనే పసిగట్టే ఆ 5 సిగ్నల్స్ గురించి ఇప్పుడు తెలుసుకుందాం.
ఆర్థ్రైటిస్ అంటే: ఇక మనకు వెంటనే గుర్తొచ్చేది మోకాళ్ల నొప్పి. కానీ, దీని మొదటి సంకేతం ఉదయం పూట బిగుతు నిద్రలేవగానే కీళ్లు అరగంటకు పైగా కదలనట్లుగా, బిగుసుకుపోయినట్లుగా అనిపిస్తే అది ఆర్థ్రైటిస్కు బలమైన సంకేతం. ముఖ్యంగా చేతి వేళ్లు లేదా పాదాల కీళ్లలో ఈ మొండితనం కనిపిస్తుంది. ఇది కేవలం అలసట వల్ల వచ్చేది కాదు, కీళ్ల మధ్య ఉండే మృదులాస్థి దెబ్బతింటోందని చెప్పడానికి ఇది ప్రకృతి ఇచ్చే మొదటి వార్నింగ్.
రెండవది: కీలకమైన సిగ్నల్ ‘కీళ్ల వద్ద వాపు మరియు ఎరుపు’. దెబ్బ తగలకుండానే ఏదైనా కీలు వద్ద వాపు రావడం ఆ ప్రాంతం వెచ్చగా అనిపించడం ఆర్థ్రైటిస్ లోపల మొదలైందని సూచిస్తుంది. దీనితో పాటు ‘కీళ్లలో శబ్దాలు’ (Crepitus) రావడం గమనించాలి. కూర్చుని లేచేటప్పుడు లేదా నడిచేటప్పుడు కీళ్లలో ‘టక్ టక్’ మని శబ్దాలు వస్తుంటే కీళ్ల మధ్య ఉండాల్సిన లూబ్రికెంట్ (జిగురు) తగ్గిపోయిందని అర్థం. ఇది ఎముకలు ఒకదానికొకటి రాసుకుంటున్నాయనేదానికి స్పష్టమైన నిదర్శనం.
మూడవది: ‘కదలికల్లో పరిమితి’ (Reduced Range of Motion). ఒకప్పుడు సులభంగా చేసిన పనులు, ఇప్పుడు కష్టంగా అనిపిస్తాయి. మెట్లు ఎక్కడం, నేల మీద కూర్చోవడం లేదా వస్తువులను గట్టిగా పట్టుకోవడం వంటి పనుల్లో ఇబ్బంది కలుగుతుంది. దీనికి తోడు ‘నిరంతర అలసట మరియు జ్వరం’ వంటి లక్షణాలు కూడా తోడవుతాయి. ముఖ్యంగా రుమటాయిడ్ ఆర్థ్రైటిస్ వంటి సమస్యల్లో కీళ్ల నొప్పితో పాటు శరీరం అంతా నీరసంగా అనిపించడం, సాయంత్రం వేళల్లో స్వల్పంగా జ్వరం రావడం వంటివి జరుగుతుంటాయి.
చివరగా ‘నొప్పి ప్రదేశం మారుతుండటం’ కూడా గమనించాలి. ఒక వారం ఒక కీలులో నొప్పి ఉంటే, మరో వారం మరో చోట నొప్పి రావడం ఆర్థ్రైటిస్ స్వభావం. ఈ 5 లక్షణాలలో ఏ రెండు కనిపిస్తున్నా అది నిర్లక్ష్యం చేయాల్సిన విషయం కాదు. సరైన సమయంలో ఫిజియోథెరపీ, పోషకాహారం మరియు వైద్య సలహాలు తీసుకుంటే ఈ వ్యాధిని ముదరకుండా అడ్డుకోవచ్చు.
గమనిక: పైన ఇచ్చిన సమాచారం కేవలం అవగాహన కోసం మాత్రమే, మీకు ఎలాంటి ఆరోగ్యాని సమస్య వున్న ఆర్థోపెడిక్ డాక్టరును సంప్రదించండి.
