సాధారణంగా వ్యవసాయం అంటే పొలానికి వెళ్లి చెమటోడ్చాలి అనుకుంటాం. కానీ, మధ్యప్రదేశ్కు చెందిన ఒక రైతు మాత్రం తన ఇంటి మేడనే లాభాల పంట పండించే క్షేత్రంగా మార్చేశాడు. కేవలం రూ. 18,000 పెట్టుబడితో మొదలుపెట్టి, పదేళ్లలో ఏకంగా రూ. 2.5 కోట్ల ఆదాయం గడించి అందరినీ ఆశ్చర్యపరిచాడు. ఆ పట్టుదలే ఆయన్ని ఒక సాధారణ రైతు నుంచి ‘ముత్యాల సాగు’ కింగ్గా మార్చింది. ఆ ఇంట్రెస్టింగ్ డీటెయిల్స్ మీకోసం..
ఎవరీ ఆదర్శ రైతు?: మధ్యప్రదేశ్ రాష్ట్రం, రత్లాం జిల్లాలోని నోలఖా గ్రామానికి చెందిన దిలీప్ జగదేవ్ ఈ వినూత్న ప్రయోగానికి శ్రీకారం చుట్టారు. 2016లో అందరూ రెగ్యులర్ పంటలు వేస్తుంటే, ఈయన మాత్రం ఏదైనా కొత్తగా చేయాలని డిసైడ్ అయ్యారు. ఇక భువనేశ్వర్లో ముత్యాల సాగుపై ట్రైనింగ్ తీసుకుని, తన ఇంటి టెర్రస్ పైన సాగు ప్రారంభించి సక్సెస్ అయ్యారు.
మొదట్లో ఎదురైన సవాళ్లు : ఏ వ్యాపారమైనా మొదట్లో కష్టంగానే ఉంటుంది. దిలీప్ కూడా మొదటి 3-4 ఏళ్లు చాలా ఇబ్బందులు పడ్డారు. ఆల్చిప్పలు చనిపోవడం, సరైన క్వాలిటీ రాకపోవడంతో ఆర్థికంగా నష్టపోయారు. కానీ, ఆయన గివ్ అప్ ఇవ్వలేదు. తన తప్పుల నుంచి పాఠాలు నేర్చుకుంటూ, నిరంతర ప్రయోగాలతో ముత్యాల పెంపకంలో మాస్టర్ అయ్యారు.
చిన్న పెట్టుబడి.. కోట్లలో లాభం: కేవలం 18 వేల రూపాయలతో మొదలైన ఈ జర్నీ, ఈరోజు కోట్ల రూపాయల టర్నోవర్ కు చేరుకుంది. ప్రస్తుతం దిలీప్ రెండు భారీ యూనిట్లను నిర్వహిస్తున్నారు. ఒక యూనిట్లో 25,000 ఆల్చిప్పలు, మరో యూనిట్లో 7,000 ఆల్చిప్పలతో ముత్యాలను ఉత్పత్తి చేస్తున్నారు. ఇక పదేళ్ల కాలంలో ఆయన సంపాదించిన రూ. 2.5 కోట్లు ఎంతో మంది యువతకు ఇన్స్పిరేషన్గా నిలుస్తోంది.
ఒక్క ఆల్చిప్ప.. 40 ముత్యాలు: సాధారణంగా ఇండియాలో ఒక ఆల్చిప్ప నుంచి ఒకటి లేదా రెండు ముత్యాలు మాత్రమే వస్తాయి. కానీ దిలీప్ ఒక విప్లవాత్మక మార్పుకు నాంది పలికారు. ఒకే ఆల్చిప్ప నుంచి ఏకంగా 40 ముత్యాలను ఉత్పత్తి చేసే ప్రయోగాలు చేస్తున్నారు. ఇది సక్సెస్ అయితే దేశంలో ముత్యాల సాగు స్వరూపమే మారిపోతుంది.
శిక్షణతో ఉపాధి కల్పన : తను సంపాదించడమే కాకుండా, వేల మందికి ఈ విద్యను నేర్పిస్తున్నారు. ఢిల్లీ, ఇందౌర్, రత్లాంలలో ట్రైనింగ్ సెంటర్స్ నడుపుతూ యువతకు స్వయం ఉపాధి చూపిస్తున్నారు. అంతేకాకుండా, తను పండించిన ముత్యాలను సోషల్ మీడియా మరియు ఆన్లైన్ ప్లాట్ఫామ్స్ ద్వారా ప్రపంచవ్యాప్తంగా విక్రయిస్తూ స్మార్ట్ బిజినెస్ చేస్తున్నారు.
కృషి, పట్టుదల ఉంటే ఆకాశమే హద్దు అని దిలీప్ జగదేవ్ నిరూపించారు. సంప్రదాయ పద్ధతులకు స్వస్తి చెప్పి, టెక్నాలజీని, కొత్త ఐడియాలను వాడుకుంటే వ్యవసాయం కూడా ఒక లాభసాటి వ్యాపారం అని ఆయన చాటిచెప్పారు.
గమనిక: ముత్యాల సాగు అనేది పూర్తి సాంకేతికతతో కూడిన పని. మీరు కూడా ఇది ప్రారంభించాలనుకుంటే, తగిన శిక్షణ తీసుకున్న తర్వాతే ఇన్వెస్ట్ చేయడం మంచిది.
