ఈ ఆధునిక కాలంలో టెక్నాలజీతో పాటు మనుషుల ఆలోచనలు, రిలేషన్షిప్స్ కూడా చాలా వేగంగా మారిపోతున్నాయి. నిన్న మొన్నటి వరకు ప్రేమించడమే ఆలస్యం.. సోషల్ మీడియాలో ఫోటోలు పెట్టడం, స్టేటస్లు అప్డేట్ చేయడం ట్రెండ్గా ఉండేది. కానీ, ఇప్పుడు దానికి పూర్తిగా రివర్స్లో ‘హష్ డేటింగ్’ అనే సరికొత్త లవ్ ట్రెండ్ నడుస్తోంది. వినడానికి కాస్త కొత్తగా ఉన్న ఈ డేటింగ్ స్టైల్ వెనుక ఎన్నో ఆసక్తికరమైన, షాకింగ్ నిజాలు ఉన్నాయి. అవేంటో ఇప్పుడు తెలుసుకుందాం.
అసలు హష్ డేటింగ్ అంటే ఏమిటి? :‘హష్’ (Hush) అంటేనే నిశ్శబ్దం లేదా రహస్యం అని అర్థం. ఇద్దరు వ్యక్తులు గాఢమైన ప్రేమలో ఉన్నప్పటికీ.. ఆ విషయాన్ని తమ స్నేహితులకు గానీ, కుటుంబ సభ్యులకు గానీ, ఆఖరికి సోషల్ మీడియాలో గానీ అస్సలు చెప్పకుండా పూర్తిగా సీక్రెట్గా ఉంచడాన్నే హష్ డేటింగ్ అంటారు. ఇక తాము రిలేషన్లో ఉన్నామనే విషయాన్ని బయటి ప్రపంచానికి తెలియకుండా ఇద్దరి మధ్యే దాచిపెట్టి రోజులు గడుపుతుంటారు.
రహస్యంగా ఉంచితే గొడవలు తక్కువ: రిలేషన్షిప్ నిపుణుల అభిప్రాయం ప్రకారం.. ఈ హష్ డేటింగ్ వల్ల కొన్ని మంచి ప్రయోజనాలు కూడా ఉన్నాయి. సంబంధాన్ని పూర్తిగా గోప్యంగా ఉంచే జంటల మధ్య బయటి వ్యక్తుల జోక్యం అస్సలు ఉండదు. ఇక పక్కింటి వారు లేదా స్నేహితులు మీ లవ్ లైఫ్ గురించి ఎలాంటి కామెంట్లు చేయలేరు. దీనివల్ల జంటల మధ్య అనవసరమైన అపోహలు, సోషల్ మీడియా డ్రామాలు తగ్గి, గొడవలు అయ్యే అవకాశాలు చాలా తక్కువగా ఉంటాయట.
కమిట్మెంట్ లోపమా? మోసమా?: అయితే, ఈ నాణేనికి మరో ప్రమాదకరమైన వైపు కూడా ఉంది. మీ భాగస్వామి (పార్ట్నర్) ఎప్పటికీ మీ సంబంధాన్ని బయటి ప్రపంచానికి చూపించడానికి ఇష్టపడకుండా, ఎప్పుడూ దాచిపెడుతూనే ఉంటే మాత్రం మీరు అలర్ట్ అవ్వాలి. ఇక ఇది వారిలో మీపై ఉన్న కమిట్మెంట్ లోపాన్ని సూచిస్తుంది. లేదా వారు మిమ్మల్ని చీట్ చేస్తూ.. మరొకరితో కూడా రిలేషన్లో ఉండటానికి ఇదొక సంకేతం కావచ్చని నిపుణులు హెచ్చరిస్తున్నారు.
మొత్తానికి చూస్తే, కొత్తగా లవ్లో పడినప్పుడు అనవసరమైన గొడవలు రాకుండా ఉండటానికి హష్ డేటింగ్ కొంతకాలం వరకు బాగానే హెల్ప్ అవుతుంది. కానీ, జీవితాంతం ఒకరినొకరు దాచుకుంటూ బతకడం అనేది రిలేషన్షిప్కు అస్సలు మంచిది కాదు. నమ్మకం, స్పష్టత ఉన్నప్పుడే ఆ బంధం ఎక్కువ కాలం నిలుస్తుంది. కాబట్టి, మీ రిలేషన్ హష్గా ఉండాలా లేదా అందరికీ తెలిసేలా ఓపెన్గా ఉండాలా అనేది మీ పార్ట్నర్ ప్రవర్తనను బట్టి ఆలోచించుకోండి.
 అనే సరికొత్త లవ్ ట్రెండ్ వేగంగా దూసుకుపోతోంది. ప్రేమలో ఉంటూనే ఆ విషయాన్ని స్నేహితులకు){kind=link}