ఎండల వేడి నుంచి ఉపశమనం ఇస్తూ వర్షాకాలం వచ్చేసింది. చల్లని వాతావరణం హాయిగా అనిపించినా ఈ కాలంలో మన శరీర రోగనిరోధక శక్తి బాగా తగ్గుతుంది. దీనివల్ల జలుబు దగ్గు గొంతునొప్పి, జీర్ణ సమస్యలు ఈజీగా ఎటాక్ చేస్తాయి. మరి ఈ వాతావరణ మార్పులను తట్టుకుని ఇన్ఫెక్షన్ల బారిన పడకుండా శరీరాన్ని హెల్తీగా ఎలా ఉంచుకోవాలో వంటింటి చిట్కాలతో సహా ఇక్కడ సింపుల్గా తెలుసుకుందాం.
పప్పుధాన్యాలు, తృణధాన్యాల పవర్: ఈ కాలంలో శరీరానికి మంచి బలాన్ని ప్రోటీన్లను అందించడానికి పప్పుధాన్యాలు బాగా ఉపయోగపడతాయి. కందిపప్పు, శనగపప్పు వంటి వాటిని రోజువారీ భోజనంలో చేర్చుకోవాలి. అలాగే జొన్నలు సజ్జలు వంటి తృణధాన్యాలు తీసుకోవడం వల్ల శరీరానికి రోజంతా అవసరమయ్యే శక్తి దొరుకుతుంది. అయితే వర్షాకాలంలో ఏ పదార్థమైనా సరే చల్లారిపోయినవి కాకుండా వేడివేడిగా వండుకుని తినడం చాలా ముఖ్యం.
ఆకుకూరలు, కూరగాయల మేలు: శరీరాన్ని యాక్టివ్గా ఉంచడంలో సహజ పోషకాలు కీలక పాత్ర పోషిస్తాయి. ఐరన్, విటమిన్లు ఎక్కువగా ఉండే పాలకూర మునగకాయ వంటి ఆకుకూరలతో పాటు క్యారెట్, బీట్రూట్ గుమ్మడికాయ వంటి కూరగాయలను బాగా తీసుకోవాలి. ఇవి శరీరానికి రోగాలతో పోరాడే శక్తినే కాకుండా జీర్ణవ్యవస్థ సాఫీగా సాగేలా చూస్తాయి.
విటమిన్ ‘సి’ పండ్లతో రక్షణ: ఇన్ఫెక్షన్లు మన దరిచేరకుండా ఉండాలంటే విటమిన్ సి పుష్కలంగా ఉండే పండ్లను తినాలి. నారింజ, జామ, దానిమ్మ, మరియు ఉసిరికాయలను ఈ కాలంలో అస్సలు మిస్ అవ్వద్దు. ఇవి శరీరంలో రోగనిరోధక శక్తిని పెంచి వైరల్ జ్వరాలు జలుబు వంటి సమస్యల నుండి మనకు ఒక రక్షణ కవచంలా అడ్డుపడతాయి.
వంటింటి మసాలాలు..అద్భుత ఔషధాలు: మన వంటింట్లో ఉండే అల్లం, వెల్లుల్లి, మిరియాలు, పసుపు, దాల్చినచెక్క వంటి మసాలా దినుసులు ఇన్ఫెక్షన్లపై పోరాడటంలో గ్రేట్గా పనిచేస్తాయి. ఇక వీటితో రసం లేదా వేడివేడి సూప్లు చేసుకుని తాగితే గొంతునొప్పి, శ్వాసకోశ సమస్యలు వెంటనే తగ్గుతాయి. అలాగే రోజువారీ చల్లటి నీళ్లకు బదులు గోరువెచ్చని నీరు, సుక్కు కషాయం లేదా హెర్బల్ టీ తాగడం వల్ల శరీరం వెచ్చగా ఉండి, ఇన్ఫెక్షన్లు దూరంగా ఉంటాయి.
నీళ్లు తాగడం తగ్గించొద్దు: వర్షాకాలంలో వాతావరణం చల్లగా ఉండటం వల్ల చాలా మందికి అస్సలు దాహం వేయదు. ఇక దీంతో నీళ్లు తాగడం బాగా తగ్గించేస్తుంటారు. కానీ ఇలా చేయడం వల్ల శరీరం డీహైడ్రేషన్కు గురై విపరీతమైన అలసట జీర్ణ సమస్యలు వస్తాయి. కాబట్టి దాహం వేసినా వేయకపోయినా క్రమం తప్పకుండా రోజూ తగినన్ని నీళ్లు తాగుతూ ఉండాలి.
గమనిక: ఈ సమాచారం కేవలం మీ అవగాహన కోసం మాత్రమే. వర్షాకాలంలో జ్వరం, జలుబు లేదా ఇతర ఇన్ఫెక్షన్ల లక్షణాలు ఎక్కువగా ఉంటే సొంత వైద్యం చేసుకోకుండా, వెంటనే డాక్టర్ను సంప్రదించడం మంచిది.
