ఈ రోజుల్లో ఎక్కడికైనా ప్రయాణం చేయాలంటే గూగుల్ మ్యాప్స్ ఉండాల్సిందే! తెలియని ఊళ్లకు వెళ్లాలన్నా, లొకేషన్లు వెతకాలన్నా ఇది మనకు బెస్ట్ గైడ్లా సహాయపడుతుంది. అయితే గూగుల్ మ్యాప్స్ కేవలం దారి చూపించడానికి మాత్రమే అనుకుంటే పొరపాటే! ఇందులోని కొన్ని సీక్రెట్ సెట్టింగ్స్ మార్చుకుంటే మన పెట్రోల్ ఖర్చు తగ్గించుకోవచ్చు, టోల్ ఛార్జీలు మిగిల్చుకోవచ్చు. అంతేకాదు.. అతివేగం వల్ల పడే చలాన్ల నుంచి కూడా సులభంగా తప్పించుకోవచ్చు. ఆ ట్రిక్స్ ఏంటో ఇప్పుడు చూద్దాం.
పెట్రోల్ ఆదా చేసే ఎకో-ఫ్రెండ్లీ రూట్: ఈ రోజుల్లో పెట్రోల్, డీజిల్ ధరలు ఏ రేంజ్లో ఉన్నాయో అందరికీ తెలిసిందే. గూగుల్ మ్యాప్స్లో ‘ఎకో ఫ్రెండ్లీ రూట్’ సెట్టింగ్ ఆన్ చేసుకుంటే తక్కువ ఇంధనం ఖర్చయ్యే దారిని ఇది చూపిస్తుంది. ఇందుకోసం యాప్ ఓపెన్ చేసి మీ ప్రొఫైల్పై క్లిక్ చేయాలి. ఆ తర్వాత సెట్టింగ్స్లో నావిగేషన్ ఆప్షన్స్ ఓపెన్ చేసి, ‘ప్రిఫర్ ఫ్యూయల్-ఎఫిషియంట్ రూట్స్’ (Prefer fuel-efficient routes) ఆన్ చేసుకుంటే సరిపోతుంది.
టోల్ ఫీజుల నుంచి విముక్తి: లాంగ్ డ్రైవ్లు లేదా దూర ప్రయాణాలు చేసేటప్పుడు టోల్ గేట్ల దగ్గర బాగానే డబ్బులు ఖర్చవుతుంటాయి. ఈ ఖర్చును మిగిల్చుకోవడానికి గూగుల్ మ్యాప్స్లో ‘అవాయిడ్ టోల్స్’ (Avoid tolls) ఫీచర్ బాగా ఉపయోగపడుతుంది. రూట్ ఆప్షన్స్లోకి వెళ్లి ఈ ఫీచర్ను ఆన్ చేసుకుంటే, టోల్ గేట్లు లేని ప్రత్యామ్నాయ దారులను మ్యాప్స్ ఆటోమేటిక్గా చూపిస్తుంది.
ఓవర్ స్పీడ్ చలాన్ల నుంచి భద్రత: హైవేలపై వెళ్లేటప్పుడు వేగం తెలియక స్పీడ్ లిమిట్ దాటేస్తే ట్రాఫిక్ పోలీసులు భారీగా చలాన్లు వేస్తారు. వీటి నుంచి తప్పించుకోవడానికి నావిగేషన్ సెట్టింగ్స్లో ‘స్పీడోమీటర్’ మరియు ‘స్పీడ్ లిమిట్స్’ ఆన్ చేసుకోవాలి. ఇలా చేస్తే మనం వెళ్లే రోడ్డు పరిమితి ఎంత ఉందో స్క్రీన్ పై కనిపిస్తుంది. వేగం దాటిన వెంటనే స్పీడోమీటర్ రంగు మారి మనల్ని అలర్ట్ చేస్తుంది.
ఇక కేవలం లొకేషన్ వెతకడానికే కాకుండా, ఇలాంటి చిన్న చిన్న సెట్టింగ్స్ ఉపయోగించడం వల్ల ప్రయాణం సురక్షితంగా మారడమే కాకుండా జేబుకు చిల్లు పడకుండా డబ్బులు కూడా ఆదా అవుతాయి. కాబట్టి మీ తదుపరి ప్రయాణానికి ముందే ఈ సెట్టింగ్స్ ఆన్ చేసుకోవడం మర్చిపోకండి!
గమనిక :వివిధ ప్రాంతాలు, రోడ్ల రకాలను బట్టి పెట్రోల్ ఆదా మరియు ప్రత్యామ్నాయ మార్గాలు మారుతుంటాయి. ప్రయాణించే ముందు స్థానిక రోడ్డు పరిస్థితులను కూడా గమనించగలరు.
