మనకి వానాకాలం నడుస్తున్నా సరైన వర్షాలు పడకుండా, ఇప్పుడు కూడా ఎండలు బాదేస్తున్న ఈ వింత వాతావరణాన్ని చూసి అందరూ ఆశ్చర్యపోతున్నారు. అయితే రానున్న రోజుల్లో పరిస్థితి మరింత వింతగా మారనుందా? డిసెంబర్ నాటికి ‘సూపర్ ఎల్నినో’ రాబోతోందని, ఈసారి అసలు చలికాలమే ఉండకపోవచ్చని ప్రపంచ వాతావరణ సంస్థ (WMO) హెచ్చరిస్తోంది. మరి మన దేశంలో పరిస్థితి ఎలా ఉండబోతోంది? ఈ చలికాలంలోనూ వేడి తప్పుదా? ఆ విశేషాలు ఇప్పుడు వివరంగా తెలుసుకుందాం.
వానాకాలంలో ఎండలు – ఏం జరుగుతోంది?: సాధారణంగా ఈపాటికి ముసురు పట్టి వర్షాలు దంచికొట్టాలి. కానీ కొన్ని రోజులుగా చూస్తే ఎండలు రావడం, పోవడం లాంటి వింత వాతావరణం కనిపిస్తోంది. ఇక పసిఫిక్ మహాసముద్రంలో ఉష్ణోగ్రతలు అనూహ్యంగా పెరగడం వల్ల వచ్చే ‘ఎల్నినో’ ప్రభావమే ఈ పరిస్థితులకు కారణమని వాతావరణ నిపుణులు భావిస్తున్నారు.
సూపర్ ఎల్నినో – ముంచుకొస్తున్న ముప్పు?: ప్రపంచ వాతావరణ సంస్థ (WMO) ప్రకారం ఈ ఎల్నినో డిసెంబర్ నాటికి ‘సూపర్ ఎల్నినో’గా రూపాంతరం చెందే అవకాశం ఉంది. ఇక వెస్టర్న్ సైంటిస్టుల అంచనా ప్రకారం దీని తీవ్రత సుదీర్ఘంగా కొనసాగి, వింటర్ సీజన్లోనూ అధిక ఉష్ణోగ్రతలు నమోదవుతాయి. ఈ ప్రభావం ఏకంగా రాబోయే కాలం వరకు ఉంటుందని వారు చెబుతున్నారు.
మన దేశంలో చలికాలం ఉండదా?: వెస్టర్న్ సైంటిస్టులు ఈసారి వింటర్లోనూ వేడి తప్పదని హెచ్చరిస్తున్నప్పటికీ, మన దేశ నిపుణులు మాత్రం భిన్నమైన అభిప్రాయాన్ని వ్యక్తం చేస్తున్నారు. భారతదేశంలో స్థానిక వాతావరణ పరిస్థితులు, గాలుల దిశను బట్టి వాతావరణం మారుతుంది. కాబట్టి మన దగ్గర చలికాలం ఎలా ఉంటుందో ఇప్పుడే కచ్చితంగా అంచనా వేయలేమని స్థానిక నిపుణులు చెబుతున్నారు.
వాతావరణంలో వస్తున్న ఈ హఠాత్ మార్పులు రాబోయే కాలంలో పర్యావరణంపై తీవ్ర ప్రభావం చూపేలా ఉన్నాయి. సూపర్ ఎల్నినో ప్రభావం ప్రపంచాన్ని భయపెడుతున్నా, మన దేశంలో వింటర్ సీజన్ ఎలా ఉంటుందో వేచి చూడాల్సిందే.
