దేశవ్యాప్తంగా రోడ్డు భద్రతను పెంపొందించడానికి, ట్రాఫిక్ నిబంధనలను పకడ్బందీగా అమలు చేయడానికి కేంద్ర రవాణా శాఖ అత్యంత కీలకమైన మార్గదర్శకాలను జారీ చేసింది. వాహనదారులు అందరూ తమ డ్రైవింగ్ లైసెన్స్కు మొబైల్ నంబర్ను విధిగా లింక్ చేయాలని స్పష్టం చేసింది. డిజిటల్ సేవలను వేగవంతం చేయడంలో భాగంగా ఈ నిర్ణయం తీసుకున్నారు. మరి డ్రైవింగ్ లైసెన్స్కు ఫోన్ నంబర్ ఎలా లింక్ చేయాలి? గడువు తేదీ ఏంటి అనే వివరాలు ఇప్పుడు తెలుసుకుందాం..
సెప్టెంబర్ 25 చివరి తేదీ: రవాణా శాఖ ప్రకటించిన వివరాల ప్రకారం రాబోయే సెప్టెంబర్ 25 లోపు మొబైల్ నంబర్ లింకింగ్ ప్రక్రియను పూర్తి చేయాల్సి ఉంటుంది. ఇక నిర్ణయించిన గడువులోగా మొబైల్ నంబర్ అప్డేట్ చేయకపోతే సంబంధిత డ్రైవింగ్ లైసెన్స్ రద్దయ్యే అవకాశం ఉందని అధికారులు హెచ్చరిస్తున్నారు.
డిజిటల్ సేవలు సులభం: ఈ-చలాన్లు, వాహన నవీకరణలు మరియు రవాణా శాఖకు సంబంధించిన ఇతర ముఖ్యమైన నోటిఫికేషన్లు సులభంగా అందాలంటే ప్రతి ఒక్కరి దగ్గర యాక్టివ్ మొబైల్ నంబర్ ఉండటం తప్పనిసరి. ఇక ఫోన్ నంబర్ లింక్ చేయడం వల్ల ట్రాఫిక్ సేవల్లో ఎలాంటి సాంకేతిక సమస్యలు ఎదురుకాకుండా ఉంటాయి.
ఇంట్లోనే ఉండి ఆన్లైన్లో లింక్ చేసుకోండి: ఈ ప్రక్రియ కోసం వాహనదారులు ఎక్కడికీ వెళ్లాల్సిన అవసరం లేదు. అధికారిక ‘సారథి’ పోర్టల్లోకి వెళ్లి మీ రాష్ట్రాన్ని ఎంచుకోవాలి. ఇక అక్కడ లభించే ఆప్షన్ ద్వారా మీ మొబైల్ నంబర్ను నమోదు చేసి, వచ్చే ఓటీపీ సహాయంతో ఉచితంగా ఇంట్లోనే ఉంటూ అప్డేట్ చేసుకోవచ్చు.
ఉల్లంఘిస్తే భారీ జరిమానాలు: కాలపరిమితిలోగా వివరాలు అప్డేట్ చేసుకోకపోతే ఇబ్బందులు పడాల్సి వస్తుంది. ఒకవేళ చలాన్లు చెల్లించడంలో ఆలస్యం జరిగితే కోర్టు ద్వారా రూ. 5 వేల నుంచి రూ. 10 వేల వరకు జరిమానాలు పడే అవకాశం ఉంది. కాబట్టి సకాలంలో వివరాలు అప్డేట్ చేసుకోవడం మంచిది.
డ్రైవింగ్ లైసెన్స్కు మొబైల్ నంబర్ లింక్ చేయడం వల్ల అనవసరమైన చలాన్ల భారం నుంచి తప్పించుకోవడమే కాకుండా రవాణా శాఖ సేవలను వేగంగా పొందవచ్చు. కాబట్టి చివరి తేదీ వరకు ఆగకుండా వెంటనే మీ వివరాలను అప్డేట్ చేసుకోండి.
గమనిక: ఈ సమాచారం కేంద్ర రవాణా శాఖ జారీ చేసిన మార్గదర్శకాల ఆధారంగా అవగాహన కోసం మాత్రమే అందించబడింది. సమగ్ర వివరాలు మరియు ప్రాసెస్ కోసం అధికారిక ‘సారథి’ పోర్టల్ను సందర్శించగలరు.
