బాలీవుడ్ స్టార్ సింగర్ అర్జిత్ సింగ్ అంటే ఇష్టం లేని మ్యూజిక్ లవర్స్ ఉండరు. ఆయన వాయిస్లో డెప్త్ కు ఫిదా కానీ వారంటూ ఉండరంటే అతిశయోక్తి లేదు. ఇక అర్జిత్ సింగ్ కన్సర్ట్ అంటే ఫ్యాన్స్ పరుగులు తీస్తుంటారు. ఇటీవల మహారాష్ట్ర ఔరంగాబాద్లో ఓ లైవ్ కాన్సర్ట్ నిర్వహించారు. ఇందులో భాగంగా అభిమానుల కోసం పలు పాటలు పాడారు. సాధారణంగా ఆయన కన్సర్ట్ చేస్తున్న సమయంలో.. పాటలు పాడుతూ అప్పుడప్పుడూ తన అభిమానులను పలకరిస్తుంటారు. అలానే సోమవారం జరిగిన కాన్సర్ట్లో కూడా ఆయన స్టేజీ పై నుంచే అభిమానులను పలకరిస్తూ వచ్చారు.
ఈ క్రమంలో ఓ మహిళా అభిమాని అర్జిత్కు షేక్ హ్యాండ్ ఇచ్చేందుకు ప్రయత్నించింది. అలా ఇస్తున్న సమయంలో ఆయన చెయ్యి పట్టుకొని గట్టిగా ఊపేసి, లాగేసింది. ఆమె చూపిన అత్యుత్సాహం వల్ల అర్జిత్ అదుపు తప్పి పడబోయారు. ఈ క్రమంలోనే ఆయన చేతికి గాయమైంది. ఫ్యాన్ అర్జిత్ చేయిని గట్టిగా లాగడం వల్ల అతడి చేయి బెణికినట్టు సమాచారం.
