మెగాస్టార్ చిరంజీవికి మరో అరుదైన గౌరవం దక్కింది. మెగాస్టార్ చిరంజీవికి IIFA అబుదాబిలో అత్యుత్తమ అచీవ్‌మెంట్ అవార్డు లభించింది. అబుదాబిలోని యాస్ ఐలాండ్‌లోని ఎతిహాద్ ఎరీనాలో జరిగిన మెరుపు వేడుకలో, టాలీవుడ్ లెజెండ్ చిరంజీవిని 24వ IIFA ఫెస్టివల్‌లో అత్యుత్తమ అచీవ్‌మెంట్ ఫర్ ఇండియన్ సినిమా అవార్డుతో సత్కరించారు.
ప్రముఖ బాలీవుడ్ నటి షబానా అజ్మీ, ప్రముఖ గీత రచయిత జావేద్ అక్తర్‌లు ఈ సన్మానాన్ని అందజేసారు. ఈ తరుణంలోనే అక్కడికి వచ్చిన ప్రేక్షకులను ఉద్దేశించి ప్రసంగించారు చిరంజీవి. తెలుగు చలనచిత్ర పరిశ్రమ మరియు అతని అభిమానులు వారి తిరుగులేని మద్దతుకు ధన్యవాదాలు చెప్పారు. ఈ అవార్డు కేవలం నా కృషికి మాత్రమే కాదు, నా అభిమానుల నుండి నాకు లభించిన ప్రేమ, ప్రోత్సాహానికి నిదర్శనమని పేర్కొన్నారు. వారికి నేను ఎప్పటికీ రుణపడి ఉంటానని ప్రకటించారు చిరంజీవి.
