టాలీవుడ్ లో తనకంటూ ఒక ప్రత్యేకమైన స్థానాన్ని ఏర్పరుచుకున్న యంగ్ హీరోలలో వరుణ్ తేజ్ ఒకరు. గని సినిమా తర్వాత తన తదుపరి చిత్రాన్ని ఏ డైరెక్టర్ తో తెరకెక్కిస్తారు అనే సందేహం అభిమానులలో ఎక్కువగా ఉండేది. అయితే ప్రస్తుతం హీరో వరుణ్ తేజ్ దర్శకుడు ప్రవీణ్ సత్తార్ తో ఓ సినిమా చేస్తున్న సంగతి తెలిసిందే.
ఈ సినిమాకు ” గాండీవధారి అర్జున” అనే టైటిల్ ను అనౌన్స్ చేసింది చిత్ర బృందం. ఈ సినిమాలో సాక్షి వైద్య హీరోయిన్ గా నటిస్తుండగా… మిక్కీ జే మేయర్ మ్యూజిక్ అందిస్తున్నారు. ఆగస్టు 25వ తేదీన ఈ సినిమా రిలీజ్ కానున్న నేపథ్యంలో ఇవాళ ఈ సినిమా టీజర్ ను విడుదల చేసింది చిత్ర బృందం. ఇక టీజర్ లో వరుణ్ తేజ్ చాలా ఎనర్జిటిక్ హీరోగా కనిపించాడు. అలాగే సినిమా పూర్తిగా సస్పెన్స్ థ్రిల్లర్గా మనకు అనిపిస్తోంది.
