ఈ ఏడాది రిలీజ్ అయిన సినిమాల్లో బ్లాక్బస్టర్ టాక్తో పాటు బాక్సాఫీస్ వద్ద ఊచకోత కోసిన సినిమా జైలర్. సూపర్ స్టార్ రజనీ కాంత్ హీరోగా నటించిన ఈ చిత్రం రీసెంట్గా విడుదలై పాన్ ఇండియా రేంజ్లో బ్లాక్ బాస్టర్ హిట్ అయిన సంగతి తెలిసిందే. ఆగస్టు 10న విడుదలైన ఈ సినిమా వసూళ్లలో సరికొత్త రికార్డు క్రియేట్ చేసింది. దాదాపు 25రోజుల పాటు థియేటర్లలో సక్సెస్ఫుల్గా రన్ అయి.. ఇప్పటివరకు దాదాపు రూ. 650 కోట్ల వసూళ్లను సాధించింది.
ఈ చిత్రంలో రజనీకాంత్తో పాటు సీనియర్ హీరోయిన్ రమ్యకృష్ణ, కన్నడ సూపర్ స్టార్ శివరాజ్ కుమార్, మలయాళ మెగాస్టార్ మోహన్ లాల్, బాలీవుడ్ స్టార్ యాక్టర్ జాకీ ష్రాఫ్ ప్రధాన పాత్రల్లో నటించారు. ఈ సినిమా ఎప్పుడెప్పుడు ఓటీటీలోకి వస్తుందా అని ఓటీటీ ఆడియెన్స్ను కూడా ఎంతో ఆసక్తిగా ఎదురుచూశారు. అయితే ఈ సినిమా ఎట్టకేలకు ఓటీటీలోకి వచ్చేసింది. ఇవాళ్టి నుంచి ఈ చిత్రం అమెజాన్ ప్రైమ్ వీడియోలో స్ట్రీమింగ్ అవుతోంది. తెలుగుతో పాటు అన్ని దక్షిణాది భాషల్లో లభిస్తోంది.
