నేను దిల్ రాజు ప్యానెల్ కు సపోర్ట్ చేస్తున్నానని పేర్కొన్నారు జీవిత రాజశేఖర్. ఇవాళ ఫిల్మ్‌ ఛాంబర్‌ ఎన్నికల్లో పాల్గొన్న జీవిత రాజశేఖర్ అనంతరం మాట్లాడుతూ.. ప్రొడ్యూసర్లకు చాలా అవసరాలు ఉన్నాయన్నారు. ఎమోషనల్ బ్లాక్ మెయిల్ కు లొంగకుండా ఓటు వేయండని.. కొత్త ప్రొడ్యూసర్లను ఎడ్యుకేట్ చేయాలని కోరారు.
ఎన్నికల్లో ప్యానెల్ రావడం దురదృష్టకరమన్నారు. స్వార్థం కోసం కాకుండా.. పని చేసే వారిని గెలిపించాలని కోరారు. ఆరోగ్యకరమైన వాతావరణం సినిమా ఇండస్ట్రీలో రావాలని.. నేను ఇండస్ట్రీకి వచ్చినప్పటి నుంచి ఎలాంటి మార్పు రాలేదన్నారు. అందరికి అందుబాటులో ఉండే వారిని ఎన్నుకోండని.. నేను దిల్ రాజు ప్యానెల్ కు సపోర్ట్ చేస్తున్నానని వివరించారు. ఆంధ్ర, తెలంగాణ ప్రజలకు అవసరం లేని విషయం.. ఇది తెలుగు సినిమా ఇండస్ట్రీకి సంబంధించిన విషయం అని చెప్పారు జీవిత రాజశేఖర్.
