విజయ్ దేవరకొండ, రష్మిక లీడ్ రోల్స్ లో వచ్చిన గీతా గోవిందం సినిమా ఈమధ్యనే రిలీజ్ అయ్యి సూపర్ సక్సెస్ అయ్యింది. ఈ సినిమాతో విజయ్ కూడా స్టార్ గా ఎదిగాడని అంటున్నారు. పరశురాం డైరక్షన్ లో వచ్చిన ఈ సినిమాలో రష్మిక హీరోయిన్ గా అలరించింది. ఛలో తర్వాత అమ్మడికి గీతా గోవిందం కూడా సూపర్ హిట్ ఇచ్చింది. అయితే ఈ సినిమాలో హీరోయిన్ పాత్ర కోసం ముందు ఎవరెవరినో అనుకున్నారట.
స్టార్ హీరోయిన్ దగ్గర నుండి యావరేజ్ హీరోయిన్ దాకా ఈ పాత్రకు నో చెప్పారట. వారిలో లావణ్య త్రిపాఠి కూడా ఉందని తెలుస్తుంది. పరశురాం డైరక్షన్ లో వచ్చిన శ్రీరస్తు శుభమస్తు సినిమాలో హీరోయిన్ గా నటించిన లావణ్య త్రిపాఠి గీతా గోవిందం కథను మాత్రం చేయనని చెప్పిందట. లావణ్య కాదనడంతో ఆ ఛాన్స్ అందుకున్న రష్మిక సూపర్ హిట్ అందుకుంది.
కన్నడ నుండి వచ్చిన రష్మిక బ్యాక్ టు బ్యాక్ హిట్లతో సూపర్ క్రేజ్ తెచ్చుకోగా రాబోతున్న దేవదాస్, డియర్ కామ్రేడ్ సినిమాలు హిట్ అయితే రష్మిక రేంజ్ పెరిగే అవకాశం ఉందని తెలుస్తుంది.
