టాలీవుడ్ సినీ ఇండస్ట్రీలో మరో విషాదం చోటు చేసుకుంది. టాలీవుడ్ చిత్ర పరిశ్రమంలో వరుసగా మరణాలు చూస్తున్నాం. అయితే.. తాజాగా మడతకాజా నిర్మాత మృతి చెందారు. అల్లరి నరేష్ హీరోగా చేసిన మడత కాజా సినిమా నిర్మాత వేదరాజు టింబర్ ఇవాళ ఉదయం మరణించారు. 54 సంవత్సరాలు ఉన్న వేదరాజు టింబర్… గత కొన్ని రోజులుగా ఊపిరితిత్తుల సమస్యతో బాధపడుతున్నారు.
ఈ నేపథ్యంలో హైదరాబాదులోని ఓ ప్రముఖ ఆసుపత్రిలో చికిత్స పొందుతూ ఇవాళ మరణించారు వేదరాజు టింబర్. నిన్న రాత్రి నుంచి ఆయన ఆరోగ్యం బాగాలేదని…. దీంతో అత్యవసర వైద్య చికిత్సలు వైద్యులు అందించారని ఈ కుటుంబ సభ్యులు చెబుతున్నారు. అయినప్పటికీ ఆయన పరిస్థితి.. విషమించడంతో ఇవాళ ఉదయం నిర్మాత వేదరాజు మరణించినట్లు సమాచారం. ఇక ఈయన మృతి నేపథ్యంలో అల్లరి నరేష్ కూడా సంతాపం తెలపడం.. జరిగింది. వేద రాజు టింబర్ అంతక్రియలు ఇవాళ సాయంత్రం జరగబోతున్నాయి.
