ఒకే ఒక చిత్రంతో దర్శకుడు ప్రశాంత్ నీల్ పాన్ ఇండియా డైరెక్టర్ అయిపోయారు. ‘కేజీఎఫ్’ చిత్రంతో ఎవరూ ఊహించని విజయం అందుకున్న ఆయన దర్శకత్వంలో తెరకెక్కిన ‘కేజీఎఫ్ చాప్టర్ 2’ ఈ నెల 14న విడుదల కానుంది. ఈ క్రమంలోనే ఫిల్మ్ ప్రమోషన్స్ లో డైరెక్టర్ , హీరో, మూవీ యూనిట్ సభ్యులు ఫుల్ బిజీగా ఉన్నారు.
ప్రశాంత్ నీల్ దర్శకత్వంలో వస్తున్న ఈ సినిమాపైన భారీ అంచనాలే నెలకొని ఉండగా, అంచనాలను మించిన సక్సెస్ సినిమా అందుకుంటుందని మేకర్స్ ధీమా వ్యక్తం చేస్తున్నారు. ఈ నేపథ్యంలోనే ప్రశాంత్ నీల్ నెక్స్ట్ ఫిల్మ్ ‘సలార్’ పైన పలు ఊహాగానాలు వస్తున్నాయి. ఆ విషయాలపైన మీడియా ప్రతినిధులు దర్శకులు ప్రశాంత్ నీల్ ను ప్రశ్నించగా ఆయన స్పష్టమైన సమాధానమిచ్చారు.
‘సలార్’ పిక్చర్ కు కూడా సీక్వెల్ ఉండబోతున్నదని గత కొద్ది రోజులుగా వార్తలొస్తున్నాయి. కాగా, అటువంటిదేదీ లేదని, అటువంటి నిర్ణయాలు ఉంటే ముందే అనౌన్స్ మెంట్ ఇస్తామని, ఆ విషయం గట్టిగానే చెప్తామని దర్శకులు ప్రశాంత్ నీల్ చెప్పారు. పాన్ ఇండియా స్టార్ ప్రభాస్ హీరోగా తెరకెక్కుతున్న ఈ చిత్రంలో ప్రభాస్ కు జోడీగా శ్రుతిహాసన్ నటిస్తోంది.
‘రాధేశ్యామ్’ ఫిల్మ్ అంతగా ఆకట్టుకలేకపోయిన నేపథ్యంలో ‘సలార్’పైన అభిమానులు భారీ అంచనాలు పెట్టుకున్నారు. చూడాలి మరి ఏం జరుగుతుందో.. ఈ చిత్ర షూటింగ్ ఫస్ట్ షెడ్యూల్ పూర్తి అయింది. తెలంగాణలోని గోదావరి ఖని ప్రాంతంలో షూట్ కంప్లీట్ కాగా నెక్స్ట్ షెడ్యూల్ త్వరలో ఉండే చాన్సెస్ ఉన్నాయి.
