ఐకాన్ స్టార్ అల్లు అర్జున్ నటించిన పుష్ప సినిమా ఎంతటి ఘన విజయం సాధించిందో తెలిసిందే. అయితే ఈ మూవీ సెకండ్ పార్ట్ కూడా తీస్తున్నారు. ప్రస్తుతం పుష్ప-2 సినిమాకు సంబంధించిన షూటింగ్ జరుగుతోంది. అయితే తాజాగా ఈ చిత్రానికి సంబంధించి ఓ ఆసక్తికరమైన విషయం తెలిసింది. అదేంటంటే..?
పుష్ప-2 సినిమా షూటింగ్లోని కొంత భాగాన్ని ఛత్తీస్గఢ్లోని అడవుల్లో చిత్రీకరణ చేసేందుకు షెడ్యూల్ ఖరారైంది. అక్కడ నక్సలైట్ల భయం ఉండటం వల్ల ఆ షూటింగ్ లోకేషన్ను పక్క రాష్ట్రమైన ఒడిశాలోని అడవుల్లో ప్లాన్ చేశారట మూవీ మేకర్స్.
ముందుగా ఛత్తీస్గడ్లోని సుక్మా అడవుల్లో సినిమా షూటింగ్ షెడ్యూల్ను నిర్ణయించింది పుష్ప-2 చిత్ర బృందం. కానీ అక్కడ నక్సలైట్లు బెడద కారణంగా ముందుజాగ్రత్తగా ఆ నిర్ణయాన్ని నిర్మాతలు వెనక్కి తీసుకున్నట్లు సమాచారం. సురక్షితమైన అడవి ప్రాంతంలో చిత్రీకరణ చేసేందుకు మంచి లొకేషన్ స్పాట్ను వెతుకుతున్న క్రమంలో ఒడిశాలోని మల్కన్‌గిరి అడవులు నచ్చడం వల్ల సినిమా షూటింగ్ స్థలాన్ని అక్కడకు మార్చారు దర్శకనిర్మాతలు. ప్రస్తుతం ఈ అడవుల్లో సినిమా షూటింగ్ ప్రశాంతంగా సాగుతోంది.
