ఇటీవ‌లే ఈ మూవీ రెగ్యుల‌ర్ షూటింగ్ రాజ‌మండ్రి స‌మీపంలోని మారేడు మిల్లిలో ప్రారంభ‌మైంది. మైత్రీ మూవీ మేక‌ర్స్ ఈ చిత్రాన్ని ప్ర‌తిష్టాత్మ‌కంగా పాన్ ఇండియా స్థాయిలో రిలీజ్ చేయాల‌ని ప్లాన్ చేస్తున్నారు. ఇదిలా వుంటే ఈ ఏడాది ప్రారంభంలో మ‌హేష్‌ న‌టించిన `స‌రిలేరు నీకెవ్వ‌రు` చిత్రంతో బ్లాక్ బ‌స్ట‌ర్ హిట్‌ని సొంతం చేసుకుంది. దీంతో ర‌ష్మిక ఒక్కో చిత్రానికి 2 కోట్లు డిమాండ్ చేస్తున్న‌ట్టు తెలిసింది.
కాజ‌ల్ కోటిన్న‌ర డిమాండ్ చేస్తుంటే స‌మంత, పూజా హెగ్డే 2 కోట్లకు పైనే అడుగుతున్నార‌ట. ప్ర‌స్తుతం ఈ జాబితాలో ర‌ష్మిక చేరింది. `పుష్ప`తో పాటు ర‌ష్మిక చేతిలో కార్తి హీరోగా న‌టిస్తున్న త‌మిళ చిత్రం `సుల్తాన్‌`, శ‌ర్వానంద్ హీరోగా తెర‌పైకి రానున్న `ఆడాళ్లూ మీకు జోహార్లు` చిత్రాలున్నాయి.
