ఆ అమ్మడు అవ్వడానికి అప్సరసే.కాని ఏం చేస్తాం సినిమా చేయడం వచ్చిన పేరును కాస్త ఇంకెవరో ఎత్తుకుపోవడం షరా మాములై పోయింది.ఇప్పటికే ఇలా రెండుసార్లు అయింది.అందుకే ఈసారి హాట్ ఫొటోషూట్ తో పరిశ్రమను తనవైపుకు తిప్పుకోవాలని చూస్తుంది. ఇప్పుడదే చేసింది టాలీవుడ్ లో ఓ హాట్ బ్యూటీ
చిలసౌ సినిమాతో తెలుగు తెర‌కు ప‌రిచ‌యం అయిన రుహాని శర్మ ప‌రిస్థితి కూడా దాదాపు ఇలాగే ఉంది. ఆ సినిమాలో ఆమె చ‌క్కటి న‌ట‌న‌తో ఆక‌ట్టుకుంది. ఆ సినిమా మంచి విజ‌యం కూడా సాధించింది. కానీ రుహానికి పెద్దగా అవ‌కాశాలు రాలేదు. కొత్త సినిమాల కోసం ఎదురు చూపులు ఫ‌లించ‌క‌పోవ‌డంతో రుహాని కూడా రూటు మార్చింది.
గత కొన్ని రోజులుగా రుహాని ఫొటో షూట్ల‌న్నీ హాట్ హాట్‌గానే ఉంటున్నాయి. ఇటీవ‌లే విడుద‌లైన డ‌ర్టీ హ‌రి సినిమాలోనూ ఆమెది ట్రెడిషనల్ క్యారెక్ట‌రే. కానీ లిప్ లాక్, రొమాంటిక్ సీన్లతో కుర్రాళ్లలో సెగలు పుట్టించింది. ఈ సినిమాలో సిమ్రత్ కౌర్‌ ఎక్కువ హైలైట్ అయిన‌ప్పటికీ రుహాని కూడా త‌న ప్రత్యేక‌త‌ను చాటుకుంది. ఇప్పుడు రుహాని చేసిన లేటెస్ట్ ఫొటో షూట్ కూడా ఆమెలోని హాట్ కోణాన్ని ఎలివేట్ చేసేదే.
గ్లామర్ హీరోయిన్లకు ఏమాత్రం తీసిపోని అంద‌చందాలు.. అప్పీయ‌రెన్స్ త‌న సొంత‌మ‌ని రుహాని చెప్పక‌నే చెబుతోంది త‌న కొత్త ఫొటో షూట్‌తో. రుహాని త్వర‌లోనే ఆగ్రా అనే సినిమాతో బాలీవుడ్లోకి అడుగు పెడుతుండ‌టం విశేషం.
