ఒకప్పుడు హీరోయిన్లు సరైన వయసులో పెళ్లి చేసుకోవాలంటే ఆఫర్లు వస్తాయో రావోనని భయపడి లేటు వయసులో పెళ్లి చేసుకునే వారు. కానీ ఇప్పుడు కాలం మారింది. ప్రొఫెషనల్ లైఫ్కి ఎంత ఇంపార్టెన్స్ ఇస్తున్నారో.. పర్సనల్ లైఫ్కు అంతకంటే ఎక్కువ ప్రాధాన్యతనిస్తున్నారు. అందుకే నచ్చినవాడు దొరకగానే మూడు ముళ్ల బంధంతో ఒక్కటవుతున్నారు. అలా తాజాగా టాలీవుడ్ బ్యూటీ చిత్ర శుక్లా కూడా త్వరలోనే పెళ్లి పీటలు ఎక్కేందుకు రెడీ అవుతోంది. ఈ భామ ఓ పోలీస్ అధికారిని వివాహం చేసుకోబోతోంది. మరో రెండ్రోజుల్లో ఈ భామ పెళ్లి జరగబోతోంది. ఈ నేపథ్యంలో తన ఎంగేజ్మెంట్, ఇతర ఈవెంట్లకు సంబంధించిన ఫొటోలను నెట్టింట షేర్ చేసింది.
మధ్యప్రదేశ్‌కి చెందిన చిత్రశుక్లా 2014లో ‘ఛల్ భాగ్’ అనే హిందీ మూవీతో తెరంగేట్రం చేసింది. 2016లో వచ్చిన ‘నేను శైలజ’ సినిమాతో టాలీవుడ్కి ఎంట్రీ ఇచ్చింది. ఇక ఆ తర్వాత శ్రీవిష్ణుతో కలిసి ‘మా అబ్బాయి’ సినిమాతో పూర్తి స్థాయిలో హీరోయిన్ అయ్యింది. ఆ తర్వాత ‘రంగుల రాట్నం’, ‘సిల్లీ ఫెలోస్’, ‘తెల్లవారితే గురువారం’, ‘పక్కా కమర్షియల్’, ‘ఉనికి’ అనే సినిమాల్లో నటించింది.
