సంక్రాంతి భారీ సినిమాల మధ్య ఎలాంటి సైలెంట్ గా వచ్చి సూపర్ సక్సెస్ అందుకున్న సినిమా ఎఫ్-2. విక్టరీ వెంకటేష్, మెగా హీరో వరుణ్ తేజ్ కలిసి నటించిన ఈ సినిమాను అనీల్ రావిపుడి డైరెక్ట్ చేయగా దిల్ రాజు నిర్మించారు. జనవరి 12న రిలీజైన ఈ సినిమా 106 కేంద్రాలలో 50 రోజులు సక్సెస్ ఫుల్ గా ఆడింది.
ఈమధ్య స్టార్ హీరోల సినిమాలు వారం, పది రోజులు ఆడటమే ఎక్కువ అనుకుంటున్న టైంలో ఎఫ్-2 మరోసారి వెంకటేష్ స్టామినా ఏంటో ప్రూవ్ చేసింది. ఇక ఈ సినిమా వసూళ్ల విషయానికొస్తే 140 కోట్ల గ్రాస్ వసూళు చేసిందని తెలుస్తుంది. వెంకటేష్ సరసన తమన్నా, వరుణ్ తేజ్ కు జోడీగా మెహ్రీన్ కౌర్ నటించారు. దేవి శ్రీ ప్రసాద్ మ్యూజిక్ అందించిన ఈ సినిమా దర్శక నిర్మాతలనే కాదు డిస్ట్రిబ్యూటర్స్ కు మంచి లాభాలు మిగిల్చింది.
