హిట్ కోసం ఐదేళ్లు ఎదురుచూశా.. విజయ్ దేవరకొండ ఎమోషనల్ పోస్టు

టాలీవుడ్ ప్రేక్షకులు ఎప్పుడెప్పుడా అని ఎదురుచూస్తున్న ఖుషి మూవీ థియేటర్లలో సందడి చేస్తోంది. మార్నింగ్ షో నుంచి సూపర్ హిట్ టాక్ అందుకున్న ఈ చిత్రం హిట్‌ అనే టాక్ వినిపిస్తోంది. చాలా రోజుల నుంచి సరైన హిట్ కోసం ఎదురుచూస్తున్న విజయ్ దేవరకొండకు.. శాకుంతలం ఇచ్చిన షాక్ నుంచి కోలుకునేందుకు వేచిచూస్తున్న సమంతకు ఈ సినిమా రిజల్ట్ కాస్త ఊరటనిచ్చిందని చెప్పుకోవచ్చు.

ఈ సినిమా పాజిటివ్ టాక్ ఇప్పుడు నెట్టింట వైరల్ అవుతోంది. ఈ నేపథ్యంలో విజయ్ దేవరకొండ ఈ సినిమా రిజల్ట్‌పై.. సినిమా చూసిన ప్రేక్షకుల రియాక్షన్‌పై స్పందించాడు. ఎమోషనల్ అవుతూ ట్వీట్ చేశాడు. ”మీరందరూ నాతో పాటు 5 సంవత్సరాలుగా హిట్టు కోసం వెయిట్ చేశారు. నా పని నేను చేస్తానని ఓపికగా ఎదురు చూస్తున్నాను. మొత్తానికి ఈ రోజు హిట్టు కొట్టేశాం.. వందల కొద్ది ఫోన్లు, మెసెజ్‌ల‌తో నిద్రలేచా.. ఈ క్షణంలో నేను కన్నీళ్లు పెట్టుకోకుండా ఉండలేను. నేను మీ అందరి పట్ల ప్రేమతో ఉన్నాను. మీ ఫ్రెండ్స్, ఫ్యామిలీతో కలిసి ఖుషికి వెళ్లి ఆనందించండి. ప్రేమతో మీ విజయ్ దేవరకొండ” అంటూ ట్వీట్‌లో రాసుకొచ్చాడు.