సోషల్ మీడియాలో సెలబ్రెటీలు ప్రతీ ఈవెంట్‌ను పోస్ట్‌ చేస్తారు.. వారి స్పెషల్‌ పిక్స్‌, ఫంక్షన్స్‌ అన్నీ.. కానీ మీరు గమనించారో లేదో.. వాళ్లు పిల్లల ఫోటోలను మాత్రం చూపించారు. క్రీడాకారుల నుంచి హీరో హీరోయిన్ల వరకూ అందరూ ఇదే పద్ధతి ఫాలో అవుతున్నారు. పిల్లలతో దిగిన ఫోటోలు పోస్ట్‌ చేస్తారు కానీ వారి ఫేస్‌ను మాత్రం కవర్‌ చేస్తారు.. సోషల్ మీడియాలో సెలబ్రిటీలు తమ పిల్లల ముఖాలను ఎందుకు దాచుకుంటారు..?
సెలబ్రిటీలు తమ పిల్లల గోప్యతను పరిగణనలోకి తీసుకోవడమే దీనికి కారణం. సాధారణంగా సోషల్ మీడియాలో సెలబ్రిటీలు తమ జీవితంలోని ప్రతి ఇతర అంశాలను తమ అభిమానులలతో పంచుకుంటారు.. అందుకో ఫోటోలను పోస్ట్‌ చేస్తారు కానీ.. వారి పిల్లల ముఖాన్ని హార్ట్ లేదా పిల్లల ఎమోజీలతో కప్పి ఉంచుతారు.. దాని వెనుక కారణం వారి పిల్లల కోసం వారి చుట్టూ గోప్యతా కంచెను నిర్మించడమే..
బేబీ వామికా ఫోటో ఆన్‌లైన్‌లో లీక్ కావడానికి ముందు అనుష్క తమ పాప ఫోటోను ప్రచురించనందుకు ప్రెస్‌కి కృతజ్ఞతలు తెలిపింది. ఈ విషయమై అనుష్క శర్మ ఇంతకుముందు ఇన్‌స్టాగ్రామ్‌లో మాట్లాడుతూ, “మా బిడ్డకు ప్రైవసీ ఉండాలని మేము కోరుకుంటున్నాము. మీడియా, సోషల్ మీడియాకు దూరంగా తన జీవితాన్ని స్వేచ్ఛగా జీవించే అవకాశాన్ని ఆమెకు అందించడానికి మేము చేయగలిగినదంతా చేయాలనుకుంటున్నాము.
కావున మీ సపోర్ట్ మాకు కావాలి… ఈ విషయంలో అందరూ సంయమనం పాటించవలసిందిగా మనవి చేస్తున్నాము” అని అన్నారు.
అలియా & రణబీర్ ఇటీవల ఒక బిడ్డకు జన్మనిచ్చారు. అలియా & రణబీర్ ఇటీవల ప్రెస్ మీట్‌లో మాట్లాడుతూ తమ పాప రాహా కోసం “నో ఫోటో పాలసీ”ని అభ్యర్థించారు. దయచేసి మా పాప ఫోటోలు క్లిక్ చేయకండి. పొరపాటున చిన్నారి ఫ్రేమ్‌పై క్లిక్ చేసినా.. దాన్ని పబ్లిష్ చేస్తే పిల్లల ముఖాన్ని దాచేందుకు హార్ట్ ఎమోజీ వంటి ఎమోజీలను ఉపయోగించాలని వారు తెలిపారు..
నటి సోనమ్ కపూర్ గత ఆగస్టులో తన కొడుకుకు జన్మనిచ్చింది. కొడుకు వాయు ముఖాన్ని సోనమ్ ఇంకా చూపించలేదు. తన కొడుకు ముఖంతో ఉన్న ఫోటోను సోషల్ మీడియాలో ఎప్పుడు షేర్ చేస్తారన్న ప్రశ్నకు నటి సోనమ్ కపూర్ స్పందిస్తూ.. కొడుకు పెద్దయ్యాక దాని గురించి ఆలోచిస్తాను. ఇంకా, “అతను స్వయంగా నిర్ణయించే వరకు అతని ముఖాన్ని ప్రచురించడం గురించి నేను ఆలోచించను” అని అతను చెప్పాడు.
ప్రియాంక చోప్రా & నిక్ ఈ జంట కూడా తమ బిడ్డ ముఖాన్ని బహిర్గతం చేయలేదు. వారు తమ పిల్లలతో కలిసి ఎంజాయ్ చేస్తున్న ఫోటోను షేర్ చేసినా, వారు పిల్లల ముఖాన్ని హార్ట్ ఎమోజీతో కవర్‌ చేశారు.
కాజల్‌ కూడా అంతే.. చాలామంది సెలబ్రెటీలు తమ పిల్లల ఫోటలోను బహిర్గతం చేసేందుకు ఇష్టపడటం లేదు. వారి ప్రైవసీ కోసమే ఇలా కవర్‌ చేస్తున్నారు..!
