ఉమ్మడి కరీంనగర్ జిల్లాలో రెండు రోజుల పాటు వర్షాలు కురుస్తాయని వాతావరణ శాఖ అధికారులు అన్నారు. కొన్ని చోట్లు ఉరుములు, మెరుపులతో కూడిన వర్షాలు కురుస్తాయన్నారు. జగిత్యాల జిల్లాలో జనవరి 10, 11న వడగళ్ల వర్షం కురిసే అవకాశం ఉందని వాతావరణ శాఖ అధికారులు తెలిపారు. కరీంనగర్ జిల్లాలో మోస్తరు వర్షాలు కురుస్తాయన్నారు. వర్షాల నేపథ్యంలో రైతులు అలర్ట్ గా ఉండాలని అధికారులు హెచ్చరించారు.
