రెండు బైకులు ఎదురెదురుగా వచ్చి ఢీకొన్న ఘటనలో వ్యక్తి మృతి చెందగా ఐదుగురికి తీవ్ర గాయాలైన సంఘటన హత్నూర పోలీస్ స్టేషన్ పరిధిలో చోటు చేసుకుంది. చౌటకూర్ మండలం పోసానిపల్లి గ్రామానికి చెందిన ఎల్లప్పల కుమార్ కుటుంబంతో వస్తుండగా, కొన్యాల గ్రామానికి చెందిన మహిపాల్ భార్య ప్రమీలను తీసుకుని హత్నూరకు వస్తున్న క్రమంలో రెండు బైక్లు ఎదురెదురుగా ఢీకొన్నాయి. ఈ ప్రమాదంలో కుమార్ అక్కడికక్కడే మృతి చెందాడు.
