చాలామందికి ఉన్నట్టుండి గుండెల్లో మంటగా ఉంటుంది. గుండెకు ఏదైనా సమస్య వచ్చిందంటే మనకు చాలా భయం వేస్తుంది. అది ఎక్కడ హార్ట్‌ ఎటాక్‌కు దారితీస్తుందేమో అని. వాంతులు, వికారం, గుండె పట్టేసినట్లు ఉండటం ఇవన్నీ ఈరోజుల్లో సర్వసాధారణమైంది. కడుపులో ఉత్పత్తి అయ్యే యాసిడ్ అన్నవాహిక ద్వారా బయటకు వచ్చినప్పుడు, అది మన గొంతు ,ఛాతీ ప్రాంతాల్లో ఒక రకమైన చికాకును కలిగిస్తుంది. అజీర్ణం, అసిడిటీ వల్ల వస్తుందని వైద్యులు చెబుతున్నారు. ఇంకా కొన్నిసార్లు మనం ఎక్కువ ఆహారం తీసుకున్నా, మసాలా ఎక్కువైన ఆహారం తీసుకున్నా చాలా మందికి గుండెల్లో మంట వస్తుంది. మీ కోసం కొన్ని చిట్కాలు ఉన్నాయి.
చల్లని పాలు- సాధారణంగా గుండెల్లో మంటగా ఉంటే.. ఎక్కువ నీరు తాగాలని అనుకుంటాం. చల్లటి నీళ్లైతే పొట్టకు, గుండెకు మేలు చేస్తుంది. ఇలాగే చల్లటి పాలు తాగితే గుండెల్లో మంట తక్షణమే నయం అవుతుంది. అవును, ఇది అధిక కాల్షియం కంటెంట్ కారణంగా ఎక్కువ ఆమ్లాన్ని గ్రహిస్తుంది. ఇది అవాంఛిత యాసిడ్ స్రావాన్ని కూడా నివారిస్తుంది. కాబట్టి చల్లని పాలను సిప్ చేయడం ద్వారా అసౌకర్యాన్ని, నొప్పిని తక్షణమే తగ్గించుకోవచ్చని వైద్య నిపుణులు అంటున్నారు.
పండిన అరటిపండు- అరటిపండు అనేక వ్యాధులకు గొప్ప ఔషధంగా పనిచేస్తుంది.. ముఖ్యంగా పండిన అరటిపండు గుండెల్లో మంటకు అరుదైన ఔషధం. ఈ పండు ఆల్కలీన్ స్వభావాన్ని కలిగి ఉంటుంది. గుండెల్లో మంటను తగ్గించడంలో సహాయపడుతుంది. అకాడమీ ఆఫ్ న్యూట్రిషన్ అండ్ డైటెటిక్స్ అందించిన సమాచారం ప్రకారం.. పండిన అరటిపండు తినడం జీర్ణ ఆమ్లంతో పనిచేస్తుంది. అన్నవాహికలో గుండెల్లో మంటను తగ్గిస్తుంది.
తులసి- ఆయుర్వేదంలో తులసికి గొప్ప ప్రాముఖ్యత ఉంది. మీరు తులసిని టీగా లేదా యథావిధిగా తీసుకుంటే, ఇది గ్యాస్ సమస్యను తగ్గిస్తుంది. యాసిడ్ రిఫ్లక్స్, అసౌకర్యాన్ని నయం చేసే ఔషధ గుణాలు కూడా ఇందులో ఉన్నాయి. మీరు దీన్ని రోజూ తీసుకుంటే కడుపులో ఆమ్లం తగ్గుతుంది.
చమోమిలే టీ- చమోమిలే పువ్వులు ఒక రకమైన హెర్బ్. దీనిని పోషకాహార నిపుణులు ప్రకృతి వైద్యం కోసం ఎక్కువగా ఉపయోగిస్తున్నారు. ఇది యాంటీ ఇన్ఫ్లమేటరీ లక్షణాలను కలిగి ఉంటుంది. యాసిడ్ రిఫ్లక్స్ , ఎసిడిటీ వల్ల కలిగే నొప్పిని నయం చేయడంలో సహాయపడుతుంది
