స్మార్ట్ఫోన్ దిగ్గజ సంస్థ వీవో నుంచి కొత్త ఫోన్ చైనాలో లాంచ్ అయింది. వివో జీ2 పేరుతో ఫోన్ మార్కెట్‌లోకి అడుగుపెట్టింది. బడ్జెట్‌లో ఫోన్ కొనాలంటే.. వీవో మంచి ఎంపిక.. ఇప్పుడు ఈ ఫోన్ కూడా అంతే.! ఫోన్ ఫీచర్స్, స్పెసిఫికేషన్స్‌ ఎలా ఉన్నాయో చూద్దాం.!
వివో జీ2 ఫీచర్స్ ఇవే..
వివో జీ2లో 90 హెచ్జెడ్ రిఫ్రెష్ రేట్తో కూడిన 6.56 ఇంచ్ ఎల్సీడీ డిస్ప్లే ఉంటుంది.
దీని స్క్రీన్ టు బాడీ రేషియో 89.67శాతం.
ఇందులో మీడియాటెక్ డైమెన్సిటీ 6020 ప్రాసెసర్ ఉంది.
5,000 ఎంఏహెచ్ బ్యాటరీ, 15వాట్ ఛార్జింగ్ సపోర్ట్ దీనికి లభిస్తోంది.
ఈ బడ్జెట్ ఫ్రెండ్లీ వివో స్మార్ట్ఫోన్.. ఆండ్రాయిడ్ 13 ఆధారిత ఆరిజిన్ఓఎస్ 3 సాఫ్ట్వేర్పై పనిచేస్తుంది.
ఈ వివో జీ2లో డ్యూయెల్ నానో సిమ్ ఉంటుంది.
ఇక ఈ మొబైల్లో 13ఎంపీ రేర్ కెమెరా ఉంటుంది. సెల్ఫీ, వీడియో కాల్స్ కోసం 5 ఎంపీ ఫ్రెంట్ కెమెరా వస్తోంది. కెమెరా ఫీచర్స్ చూస్తే చాలు.. ఇది పర్ఫెక్ట్ బడ్జెట్ ఫ్రెండ్లీ స్మార్ట్ఫోన్ అని తెలిసిపోతుంది!
వివో జీ2 ఒక 5జీ స్మార్ట్ఫోన్. ఇందులో 5జీతో పాటు 4జీ ఎల్టీఈ, వైఫై-5, బ్లూటూత్ 5.1, జీపీఎస్, యూఎస్బీ టైప్ సీ పోర్ట్, 3.5ఎంఎం ఆడియో జాక్ వంటి కనెక్టివిటీ ఫీచర్స్ ఉన్నాయి. యాక్సెలరోమీటర్, యాంబియెంట్ లైట్ సెన్సార్, ప్రాక్సిమిటీ సెన్సార్, ఈ-కంపాస్, ఫ్లికర్ సెన్సార్లు కూడా ఇందులో ఉన్నాయి. ఈ వివో జీ2 స్మార్ట్ఫోన్ మెజర్మెంట్స్.. 165.74×75.43×8.09ఎంఎం. బరువు 186గ్రాములు.
వివో జీ2 ధర ఎంతంటే
వీవో జీ2 4జీ ర్యామ్- 128 జీబీ స్టోరేజ్ వేరియంట్ ధర 1,199 యువాన్లు. అంటే సుమారు రూ. 14వేలు.
6జీబీ ర్యామ్- 128జీబీ స్టోరేజ్ వేరియంట్ ధర 1,499 యువాన్లు. అంటే సుమారు రూ. 17,500.
ఇక 8జీబీ ర్యామ్- 128 జీబీ స్టోరేజ్ వేరియంట్ ధర 1,599 యువాన్లు. అంటే సుమారు రూ. 18,700.
8జీబీ ర్యామ్- 256 జీబీ స్టోరేజ్ వేరియంట్ ధర 1,899 యువాన్లు. అంటే సుమారు రూ. 22వేలు.
ఈ బడ్జెట్ ఫ్రెండ్లీ వివో జీ2 స్మార్ట్ఫోన్ ఇండియా లాంచ్పై ఇంకా క్లారిటీ లేదు. దీనిపై సంస్థ త్వరలో ప్రకటన చేస్తుంది.
