రాష్ట్రంలోని న్యాయవాదుల మద్దతు తెరాస పార్టీకే ఉంటుందని పలువురు న్యాయవాదులు స్పష్టం చేశారు. సోమవారం హైదరాబాద్ లో నిజామాబాద్ ఎంపీ కల్వకుంట్ల కవితను తెలంగాణ న్యాయవాదుల సంఘం ప్రతినిధులు కలసి న్యాయవాదుల సంక్షేమం కోసం పాటుపడిన కేసీఆర్ కు వచ్చే ఎన్నికల్లో జై కొడతామంటూ తమ మద్దతు ప్రకటించారు. తెలంగాణ ఉద్యమంలో కీలక పాత్ర పోషించిన న్యాయవాదుల సంక్షేమం కోసం రూ. 100 కోట్లను సీఎం కేసీఆర్ కేటాయించారన్నారు. ప్రతి న్యాయవాది కుటుంబానికి హెల్త్ కార్డ్స్ ఇతర సదుపాయాలను కల్పించిన తెరాస అధినేత కేసీఆర్ కే తమ ఓటు వేస్తామని వెల్లడించారు.
