హైదరాబాద్ శివారు ప్రాంతాల్లో నకిలీ ఐస్ క్రీమ్ తయారీ కేంద్రాలలో సోదాలు నిర్వహించారు ఎస్ఓటి పోలీసులు. ఈ సందర్భంగా మూడు నకిలీ ఐస్ క్రీమ్ తయారీ కేంద్రాలను సీజ్ చేశారు ఎస్ఓటి పోలీసులు. నకిలీ ఐస్ క్రీమ్ తయారుచేసి ప్రముఖ బ్రాండ్ల స్టిక్కర్లు వేసి అక్రమాలకు పాల్పడుతుంది ఈ ముఠా. అంతేకాదు ఇందులో ప్రమాదకరమైన రసాయనలతో ఐస్ క్రీమ్స్ తయారు చేస్తున్నారు.
కాలం చెల్లిన కెమికల్స్ ని వాడి ఐస్ క్రీమ్ తయారు చేస్తుంది ఈ ముఠా. వివాహాది శుభకార్యాలకు కూడా నకిలీ ఐస్ క్రీములు సరఫరా చేస్తున్నారు. కొంతమందితో తోపుడు బండ్లలో నకిలీ ఐస్ క్రీమ్ ని అమ్మిస్తున్నారు ఈ ముఠా సభ్యులు. మూడు కంపెనీలలో కోటికి పైగా ఐస్ క్రీమ్స్ ని సీజ్ చేశారు పోలీసులు. దూలపల్లి, చందానగర్, కూకట్పల్లిలో ఐస్ క్రీమ్ కంపెనీలు మూసివేశారు. జిహెచ్ఎంసి, హెల్త్ డిపార్ట్మెంట్ తో కలిసి సోదాలు నిర్వహించారు సైబరాబాద్ పోలీసులు.
