మరో నాలుగు రోజుల్లో దీపావళి పండుగ జరుగనున్న సంగతి తెలిసిందే. ఈ నెల 24న దీపావళి జరుపుకోవాలని కొందరు అంటుంటే.. మరికొందరు 25న చేసుకోవాలని చెబుతున్నారు. ఏదీ ఏమైనా.. దీపావళి పండుగ రాకముందే.. ఓ శుభవార్త వచ్చి పడింది.
దీపావళి పండుగకు ఇంటికి వెళ్లే వారికి దక్షిణ మధ్య రైల్వే గుడ్ న్యూస్ తెలిపింది. దీపావళి సందర్భంగా ప్రయాణికుల రద్దీని దృష్టిలో పెట్టుకుని వివిధ ప్రాంతాల నుంచి 14 ప్రత్యేక రైళ్లను నడపనున్నట్లు దక్షిణ మధ్య రైల్వే స్పష్టం చేసింది. ఈ మేరకు ప్రత్యేక రైళ్ల వివరాలను ట్విట్టర్ లో వెల్లడించింది. సికింద్రాబాద్-కటక్, కటక్-సికింద్రాబాద్, సుబేదార్ గంజ్-సికింద్రాబాద్, సికింద్రాబాద్-సుబేదార్ గంజ్ మధ్య ప్రత్యేక రైళ్లను నడుపుతున్నట్లు స్పష్టం చేసింది.
