బాలీవుడ్ నటి పరిణితి చోప్రా గురించి ప్రత్యేకంగా పరిచయం అవసరం లేదు. అనేక సినిమాలలో నటించి ఈ చిన్నది తనకంటూ ప్రత్యేకమైన గుర్తింపును సొంతం చేసుకుంది. పరిణితి తన కెరీర్ లో ఎన్నో బ్లాక్బస్టర్ హిట్ సినిమాలను తన ఖాతాలో వేసుకుంది. పరిణితి చోప్రా వ్యక్తిగత విషయానికి వచ్చినట్లయితే AAP ఎంపీ రాఘవ్ చద్దాను 2023 సెప్టెంబర్ నెలలో వివాహం చేసుకుంది. వీరి వివాహం రాజస్థాన్ లోని ఉదయపూర్ లో అంగరంగ వైభవంగా జరిగిన సంఘటన తెలిసిందే. ఇక వివాహం తర్వాత ఎంతో అన్యోన్యంగా వారి వైవాహిక జీవితాన్ని కొనసాగించారు.
వివాహం తర్వాత కూడా సినిమాలలో నటిస్తూ బిజీగా గడుపుతోంది. తాజాగా ఈ జంట గుడ్ న్యూస్ షేర్ చేసుకున్నారు. త్వరలోనే తల్లిదండ్రులు కాబోతున్నట్లుగా ప్రకటించారు. 1+1=3 అని “మా చిన్న ప్రపంచం వస్తోంది” అంటూ ఫోటో & వీడియోతో వారి ఆనందాన్ని ఇన్ స్టా వేదికగా అభిమానులతో పంచుకున్నారు. ఈ విషయం తెలిసి సోషల్ మీడియా వేదికగా నెటిజన్లు కంగ్రాట్స్ చెబుతున్నారు. పలువురు నటీమణులు, అభిమానులు, కుటుంబ సభ్యులు పరిణితి చోప్రా రాఘవ్ చద్దా లకు కంగ్రాట్స్ చెబుతున్నారు. ఈ జంటకు పండంటి బిడ్డ జన్మించాలని కోరుకుంటున్నారు. ప్రస్తుతం ఈ వార్త సోషల్ మీడియా మాధ్యమాల్లో వైరల్ గా మారింది.
