టాలీవుడ్ యంగ్ హీరో అడివి శేష్ తాజాగా నటించిన చిత్రం ‘మేజర్’. సందీప్ ఉన్ని కృష్ణన్ జీవితం ఆధారంగా తెరకెక్కిన ఈ సినిమాకి ప్రపంచవ్యాప్తంగా చక్కటి ఆదరణ లభిస్తోంది. ఈ సినిమాకు శశి కిరణ్ తిక్క దర్శకత్వం వహించగా, సూపర్ స్టార్ ప్రిన్స్ మహేశ్ బాబు ప్రొడ్యూస్ చేశారు.
సందీప్ ఉన్ని కృష్ణన్ పాత్రలో అడివి శేష్ ఒదిగిపోయారు. ఇక ఈ సినిమా చూసిన ప్రతీ ఒక్కరు ఎమోషనల్ అవుతున్నారు. పవర్ స్టార్ పవన్ కల్యాణ్ చిత్ర యూనిట్ ను అభినందించారు. సామాన్యులతో పాటు సినీ ప్రముఖులు ఈ ఫిల్మ్ ను ప్రమోట్ చేస్తున్నారు.
ఈ చిత్రం ఇప్పటి వరకు రూ.60 కోట్లు కలెక్ట్ చేసినట్లు తెలుస్తోంది. ఈ విషయాన్ని అడివి శేష్ సోషల్ మీడియా వేదికగా తెలిపారు. సినిమాను ఇంతగా ఆదరిస్తున్న ప్రేక్షకులకు ధన్యవాదాలు తెలిపారు.
