తమిళ హీరో అజిత్ ఇటీవల ఓ రేసింగ్ బృందాన్ని ఏర్పాటు చేసిన విషయం తెలిసిందే. దానికి అజిత్ కుమార్ టీం అని పెట్టారు. ఇటీవల దుబాయ్ వేదికగా జరిగిన రేసింగ్ పోటీల్లో అతని బృందం మూడోస్థానంలో నిలిచింది. దానికి ముందు అజిత్ కూడా కారు డ్రైవింగ్ చేస్తుండగా..ట్రాక్ మీద అతని కారు ప్రమాదానికి గురవడంతో ఆయన పోటీకి దూరమయ్యారు.
తాజాగా అజిత్ కుమార్ స్పెయిన్‌లో జరుగుతున్న రేసింగ్ పోటీల్లో పాల్గొనగా.. ఆయన కారు మరోసారి ప్రమాదానికి గురైంది.మరో కారును తప్పించే క్రమంలో అజిత్ కారు ట్రాక్ మీద నుంచి ఫీల్డులోకి దూసుకెళ్లగా.. రెండు సార్లు అజిత్ కారు గాల్లోనే గింగిరాలు తిరిగింది. దీనికి సంబంధించిన విజువల్స్ ఇప్పటికే వైరల్ అవుతుండగా.. తాజాగా ప్రమాదానికి గురైనప్పుడు కారు లోపలి దృశ్యాలు ప్రస్తుతం నెట్టింట వైరల్ అవుతున్నాయి.
అజిత్‌కు తప్పిన ప్రమాదం.. పల్టీలు కొట్టిన కారు
కోలీవుడ్ స్టార్ హీరో అజిత్ కుమార్ స్పెయిన్‌లో జరుగుతున్న రేసింగ్‌లో ఆయన కారు ప్రమాదానికి గురైంది. మరో కారును తప్పించే క్రమంలో ఈ ప్రమాదం చోటుచేసుకుంది. దీంతో అజిత్ వాహనం ట్రాక్‌పై పల్టీలు కొట్టింది. pic.twitter.com/SLQn6BPIiN
— ChotaNews App (@ChotaNewsApp) February 23, 2025
