టాలీవుడ్ హీరోగా కుటుంబ కథ చిత్రాలను చేసుకుంటూ ఉన్న ప్రభాస్ రాజమౌళి పుణ్యమా అని బాహుబలి తీసి ప్రపంచంలోని ప్రేక్షకులను ఆకర్శించాడు. ఆ తర్వాత అన్నీ పాన్ ఇండియా సినిమాలనే చేస్తూ ఫుల్ బిజీగా మారిపోయాడు. అందులో భాగంగానే కన్నడ డైరెక్టర్ ప్రశాంత్ నీల్ తో భారీ బడ్జెట్ తో సలార్ సినిమా చేస్తున్నాడు. ఈ సినిమా నుండి ఇటీవల టీజర్ రిలీజ్ అయిన విషయం తెలిసిందే. అప్పటి నుండి అంచనాలు భారీగా పెరిగిపోయాయి. ఈ సినిమా ఓ టి టి హక్కులను దక్కించుకోవడానికి కొన్ని సంస్థలు పోటీ పడగా చివరికి ఒక ప్రముఖ ఓ టి టి సంస్థ అధిక మొత్తానికి ఈ సినిమా హక్కులను సొంతం చేసుకుంది. తెలుస్తున్న సమాచారం ప్రకారం రూ. 200 కోట్ల రూపాయలకు సలార్ ఓ టి టి హక్కులు సొంతం చేసుకుంది.
