మిర్యాలగూడలో సంచలనం సృష్టించిన అమృత ప్రేమ వ్యవహారం, ప్రణయ్ మర్డర్, మారుతీరావు ఆత్మహత్య.. ఈ అంశాలనే తన కథాంశంగా ఎంచుకొని ‘మర్డర్’ మూవీ రూపొందిస్తున్నారు డైరెక్టర్ రామ్ గోపాల్ వర్మ. ఈ క్రమంలో నిన్న ఫాదర్స్ డే సందర్భంగా ఈ మూవీ ఫస్ట్‌లుక్ రిలీజ్ చేయడంతో మరోసారి ఈ ఇష్యూ జనాల్లో హాట్ టాపిక్ అయింది. దీంతో, వర్మపై అమృత తీవ్ర వ్యాఖ్యలు చేసినట్టు వార్తలు వచ్చాయి.
పోస్టర్ చూడగానే ఆత్మహత్య చేసుకోవాలనిపించిందని ఆమె అన్నట్టు కథనాలు వచ్చాయి. అమృత వ్యాఖ్యలకు వర్మ కూడా సమాధానం చెప్పారు. ఈ సినిమా వాస్తవ గాథ ఆధారంగా రూపొందుతుందని చెప్పానే కాని… నిజమైన స్టోరీ అని చెప్పలేదని అన్నారు. కాగా, తాజాగా ఈ అంశంపై అమృత మామగారు బాలస్వామి స్పందించారు. అమృత పేరిట సోషల్ మీడియాలో వస్తున్న కథనాల్లో నిజం లేదని ఆయన చెప్పారు. వర్మ సినిమాపై అమృత స్పందించలేదని అన్నారు. ఆమె పేరుపై వస్తున్న స్టేట్మెంట్లను నమ్మొద్దని కోరారు.
