BREAKING : చంద్రబాబు‌తో ములాఖత్ కానున్నారు నారా భువనేశ్వరి. స్కిల్ స్కామ్ కేసులో టిడిపి అధినేత చంద్రబాబు అరెస్ట్ అయ్యి…తొమ్మిది రోజులు అయింది. 14 రోజుల రిమాండ్ నిమిత్తం ఆయన రాజమండ్రి సెంట్రల్ జైలులో ఉన్న విషయం తెలిసిందే.
అయితే ఇవాల్టి నుంచి వచ్చే శనివారం లోపు 2 ములఖత్ లకు జైలు అధికారులు అవకాశం కల్పించారు. కాసేపట్లో ఆయన సతీమణి భువనేశ్వరి, బ్రాహ్మణి, మనవడు దేవాన్ష్ తో పాటు బాలకృష్ణ సతీమణి వసుంధర చంద్రబాబును కలవనున్నట్లు తెలుస్తోంది.
కాగా, నారా బ్రాహ్మణిపై ఏపీ మంత్రి రోజా సంచలన వ్యాఖ్యలు చేశారు. బ్రహ్మాస్త్రం అనుకుని బ్రాహ్మణీని రంగంలోకి దింపారని.. తీరా ఈ అస్త్రం కూడా తుస్సుమందంటూ చురకలు అంటించారు. దొరికిన దొంగను జైలుకు పంపించకుండా జైలర్ సినిమాకు పంపిస్తారా?? అని నిలదీశారు. దేవాన్ష్ కు పొరపాటున కూడా సీఐడీ రిమాండ్ రిపోర్ట్ చూపించకండని.. మా తాత ఇంత అవినీతి పరుడా అనుకుంటాడని ఎద్దేవా చేశారు ఏపీ మంత్రి రోజా.
