టీటీడీ ఛైర్మన్‌ గా బీఆర్‌ నాయుడు ప్రమాణ స్వీకారం చేసే ముహుర్తం ఖరారు అయింది. తిరుమలలో ఈ నెల 6వ తేదిన టిటిడి పాలకమండలి చైర్మన్ గా బి ఆర్ నాయుడు ప్రమాణ స్వీకారం ఉంటుంది. 29 మంది సభ్యులతో నూతన పాలకమండలిని నియమిస్తూ అధికారిక ఉత్తర్వులు జారి చేసింది ప్రభుత్వం. ఇక తిరుపతి ఎమ్మెల్యే సభ్యత్వం పై అనిశ్చితి కొనసాగుతోంది.
గతంలో తిరుపతి ఎమ్మెల్యే ని ప్రత్యేక ఆహ్వనితుడుగా నియమించింది వైసీపీ ప్రభుత్వం. తాజాగా తిరుపతి ఎమ్మెల్యేకు సంబంధించిన సభ్యత్వం పై ఉత్తర్వులు రాలేదు.
అయితే… మొన్నటి జాబితాలో లేని తిరుపతి బీజేపీ నేత భానుప్ర‌కాష్‌రెడ్డిని స‌భ్యుడిగా చేర్చిన ప్రభుత్వం.. ఈ మేరకు టీటీడీ పాల‌క మండ‌లిని అధికారికంగా ప్ర‌క‌టించింది ఏపీ ప్రభుత్వం. అటు ఎక్స్ అఫిషియో మెంబ‌ర్లుగా టీటీడీ ఈవో, ఎండోమెంట్ కార్య‌ద‌ర్శి, ఎండోమెంట్ కమిషనర్, తుడా చైర్మన్‌ల‌కు అవ‌కాశం కల్పించింది చంద్రబాబు నాయుడు కూటమి సర్కార్‌. ఈ మేరకు ప్రకటన విడుదల చేసింది.
