రామోజీరావు వల్లే అమరావతి పేరు అంటూ టీడీపీ చీఫ్‌ చంద్రబాబు నాయుడు పేర్కొన్నారు. ఏపీ రాజధానికి ఏం పేరు పెట్టాలని ఆలోచిస్తుంటే.. అమరావతి పేరును రామోజీరావు ప్రతిపాదించారు అన్నారు చంద్రబాబు నాయుడు. అయితే.. ఈ వ్యాఖ్యలు గతంలోనే టీడీపీ చీఫ్‌ చంద్రబాబు నాయుడు మాట్లాడారు. కానీ రామోజీరావు మరణించడంతో ఆ వ్యాఖ్యలు ఇప్పుడు వైరల్‌ అవుతున్నాయి.
కాగా, అటు ఈనాడు గ్రూపు సంస్థల చైర్మన్ రామోజీరావు అస్తమయం తీవ్ర దిగ్భ్రాంతిని కలిగించిందని. ఒక సామాన్య కుటుంబంలో పుట్టి అసామాన్య విజయాలు సాధించిన శ్రీ రామోజీరావు మరణం తీవ్ర ఆవేదనకు గురి చేసిందన్నారు చంద్రబాబు. అక్షర యోధుడుగా శ్రీ రామోజీ తెలుగు రాష్ట్రాలకు, దేశానికి ఎన్నో సేవలు అందించారు. తెలుగు వారి జీవితాల్లో అత్యంత ప్రభావవంతమైన ముద్రవేసిన శ్రీ రామోజీ తెలుగు ప్రజల ఆస్తి. ఆయన మరణం తెలుగు ప్రజలకే కాదు….దేశానికి కూడా తీరని లోటు అన్నారు.
