టీడీపీ, జనసేన వాళ్లు రాష్ట్ర ద్రోహులు, దేశ ద్రోహులు అంటూ వివాదస్పద వ్యాఖ్యలు చేశారు సీఎం జగన్‌. ఇవాళ కోన సీమ జిల్లాలో సీఎం జగన్‌ మోహన్‌ రెడ్డి పర్యటించారు. ఈ సందర్భంగా ఆయన మాట్లాడుతూ… ఇంత మంచి చేశాం కాబట్టే, ఇంత మంచి చేశాం అని చెప్పే ధైర్యం చంద్రబాబుకు లేదని చురకలు అంటించారు.
ఇంత మంచి మా చంద్రబాబు చేశాడని చెప్పే ధైర్యం ఆ దత్తపుత్రుడికి లేదు, ఆ ఈనాడు లేదకు, ఆ ఆంధ్రజ్యోతిలేదు, ఆ టీవీ–5కు లేదు, ఎల్లోమీడియాకు లేదని చురకలు అంటించారు. మేనిఫెస్టోలో ఇచ్చిన వాగ్దానాల్లో 95శాతం పూర్తిచేశామని చెప్పే నైతికత మనకు మాత్రమే ఉందని… కాబట్టే మన ప్రభుత్వం ఏంచేసిందో చెప్పడానికి మన ఎమ్మెల్యేలు గడగడపకూ బయల్దేరారని వెల్లడించారు.
ఈ 34 నెలల కాలంలో మన పాలనలో ఏయే పథకాలు అందాయో ప్రతి కుటుంబానికి, ఆ కుటుంబంలోని అక్కచెల్లెమ్మల పేరుమీద లేఖలు రాసి…., ఆ లేఖలు ఇచ్చి, వారి ఆశీర్వాదాలు తీసుకునే కార్యక్రమానికి ఎమ్మెల్యేలు, ప్రజాప్రతినిధులు బయల్దేరారని చెప్పారు. ఇదిగో మేం వాగ్దానాలు చేసిన మేనిఫెస్టో, 95శాత వాగ్దానాలను అమలు చేశామని.. మీరే చూడండి, మీరే టిక్కులు పెట్టండని సీఎం జగన్‌ వెల్లడించారు.
