ఆంధ్రప్రదేశ్ రాష్ట్రంలో గుడ్ గవర్నెన్స్ పై సీఎం చంద్రబాబు నాయుడు అధ్యక్షతన జరగాల్సిన సమావేశం వాయిదా పడినట్టు సీఎంవో వెల్లడించింది. రాష్ట్రంలో ఎమ్మెల్సీ ఎన్నికల కోడ్ అమలులో ఉన్న నేపథ్యంలో సీఎం వీడియో కాన్ఫరెన్స్ వాయిదా పడిందని.. తదుపరి సమావేశం ఎప్పుడూ జరుగుతుందో త్వరలోనే చెబుతామని సీఎంవో ఓ ప్రకటనలో వెల్లడించింది.
ఆంధ్రప్రదేశ్ లో ఎమ్మెల్సీ ఉప ఎన్నిక కు కేంద్రం షెడ్యూల్ విడుదల చేసింది. ఉభయ గోదావరి జిల్లాల ఉపాధ్యాయ ఎమ్మెల్సీ స్థానానికి ఉప ఎన్నిక నిర్వహించేందుకు సిద్ధమైంది ఈసీ. ఈ నెల 11న నోటిఫికేషన్ విడుదల చేస్తారు. నవంబర్ 18 వరకు నామినేషన్లు స్వీకరిస్తారు. నవంబర్ 19న నామినేషన్లను పరిశీలిస్తారు. డిసెంబర్ 05న ఎమ్మెల్సీ స్థానానికి ఉప ఎన్నిక జరుగుతుంది. డిసెంబర్ 09న ఓట్లను లెక్కించి ఫలితాలను వెల్లడిస్తారు.
