ఇస్రో 100వ ప్రయోగం విజయవంతం అయింది. అయితే… ఇస్రో 100వ ప్రయోగం విజయవంతంపై అభినందనలు తెలిపారు వైసీపీ అధినేత వైఎస్ జగన్. GSLV-F15/NVS-02 మిషన్‌తో శ్రీహరికోట నుండి 100వ ప్రయోగం విజయవంతం కావడం అభినందనీయం అన్నారు జగన్ మోహన్‌ రెడ్డి. భారతదేశ అంతరిక్ష యాత్రలకు గేట్‌వే అయిన శ్రీహరికోటకు ఆంధ్ర ప్రదేశ్ నిలయం కావడం పట్ల గర్విస్తున్నామని తెలిపారు.
అంతరిక్ష సాంకేతికతలో ఇస్రో పనితీరు అద్భుతం అని కొనియాడారు వైసీపీ అధినేత వైఎస్ జగన్. అంతరిక్ష పరిశోధనలో ఇస్రో సాధిస్తున్న విజయాలు దేశ ప్రతిష్ఠకు నిదర్శనం అన్నారు.. భవిష్యత్ లో ఇస్రో మరిన్ని విజయాలను కొనసాగించాలని ఆకాంక్షించారు వైసీపీ అధినేత వైఎస్ జగన్.
