ప్రస్తుతం ఆంధ్రప్రదేశ్ రాష్ట్రంలో… పిఆర్సి వ్యవహారం ముదురుతోంది. ఈ పిఆర్సి వ్యవహారంపై ఏపీ ప్రభుత్వం మరియు ప్రభుత్వ ఉద్యోగుల మధ్య వార్ జరుగుతోంది. ఏపీ ప్రభుత్వం ప్రకటించిన పిఆర్సి పై ఉద్యోగులు తీవ్ర అభ్యంతరం వ్యక్తం చేస్తున్నారు. ఈ క్రమంలో రాష్ట్ర సి ఎస్ కు ఏపీ ఉద్యోగుల సంఘాల నేతలు.. సమ్మె నోటీస్ కూడా ఇవ్వనున్నారు.
ఈ తరుణంలో ఆంధ్ర ప్రదేశ్ రాష్ట్ర కేబినెట్ ఇవాళ స‌మావేశం కానుంది. ఏపీ సీఎం జ‌గ‌న్ మోహ‌న్ రెడ్డి అధ్య‌క్ష‌త‌న రాష్ట్ర మంత్రి మండ‌లి స‌మావేశం కానుంది. శుక్ర‌వారం ఉద‌యం 11 గంట‌ల‌కు రాష్ట్ర స‌చివాల‌యంలో రాష్ట్ర మంత్రి మండ‌లి భేటీ అవుతున్నారు. ఈ స‌మావేశంలో రాష్ట్ర మంత్రి మండ‌లి ప‌లు కీలక నిర్ణ‌యాలు తీసుకునే అవ‌కాశం ఉంది. ముఖ్యంగా పీఆర్సీ పై రాష్ట్ర కేబినెట్ లో చ‌ర్చించే అవ‌కాశం ఉంది.అలాగే సినిమా టికెట్ల ధ‌రల విష‌యంలో కూడా రాష్ట్ర కేబినెట్ చ‌ర్చించే అవ‌కాశం ఉంది.
