ఆంధ్రప్రదేశ్, తెలంగాణ రాష్ట్రాల్లో మరో 10 ఎమ్మెల్సీ స్థానాలకు షెడ్యూల్ విడుదల అయింది. మార్చి 29తో ఎమ్మెల్యేల కోటా ఎమ్మెల్సీల పదవీ కాలం ముగయనుంది. ఈ నేపథ్యంలోనే, ఆంధ్రప్రదేశ్‌లో 7, తెలంగాణలో 3 స్థానాలకు ఎన్నికల తేదీలు ఖరారు అయింది.
ఏపీలో పదవీకాలం ముగుస్తున్నవారిలో జాబితాలో నారా లోకేశ్, చల్లా భగీరథ్ రెడ్డి, పోతుల సునీత, బచ్చుల అర్జునుడు, డొక్కా మాణిక్య వరప్రసాద్, పివీవీ సూర్యనారాయణ రాజు, గంగుల ప్రభాకర్ రెడ్డిలు ఉన్నారు.
అటు తెలంగాణలో పదవీకాలం ముగుస్తున్న ఎమ్మెల్సీల జాబితాలో అలిమినేట్ కృష్ణారెడ్డి, వి. గంగాధర్ గౌడ్, కూర్మయ్యగారి నవీన్ కుమార్ ఉన్నారు. ఇక మార్చి 6న నోటిఫికేషన్ విడుదల కానుండగా, నామినేషన్ల దాఖలుకు చివరి తేది మార్చి 13 గా ఉంది. నామినేషన్ల పరిశీలన మార్చి 14 కాగా, పోలింగ్, కౌంటింగ్ మార్చి 23 న జరుగనుంది. అయితే, ఈ సారి నారా లోకేష్ ఎమ్మెల్సీ ఎన్నికల్లో గెలుస్తారా లేదా చూడాలి.
